Colin｜區雪兒x馮穎琪x周耀輝 為混沌的香港創造＜剎那的烏托邦＞
從不同年代的流行文化作品，可窺探當時社會的集體意識，例如近年的廣東流行曲不乏出走主題，可見大家都生活於非常壓抑的環境，一有機會就要擺脫現實，即使就只是短短4分鍾的音樂旅程。而今年創作人區雪兒，馮穎琪，周耀輝便決定聯手，嘗試為香港人創建出一個＜剎那的烏托邦＞！
MV導演區雪兒，音樂人馮穎琪，填詞人周耀輝，各自於8，90年代入行，雖然大家都身處同一個音樂工業，卻一直有各自熟悉的領域，今次他們嘗試把影像，音樂，文字結合，一切都源於當日的一餐飯。
「我地雖然各自入左行好耐，但都係到近幾年先認識。後來我地傾左好多各自嘅理念，原來在大家心目中都仲有d野係想做，覺得仲可以玩嘅，於是就有左呢個＜剎那的烏托邦＞嘅出現。」
來到2016年，「烏托邦」一字剛好出現了500年，雖然這個不知名的理想國度從來沒出現過，但亦沒有消失過，證明我們還對「烏托邦」有所追求。
「＜烏托邦＞本身係一本書，係一位英國哲學家Thomas More所寫。講梗一個不知名嘅理想國度，裡面超越左當時世界上其他地方嘅生活模式。例如對錢嘅觀念，在呢個烏托邦裡面，大家都覺得錢本身係無咩價值，其實呢種就係所謂的超越！在任何事上，你可以超越一般嘅諗法，已經係一種烏托邦。」
什麼是＜剎那的烏托邦＞？
對我地黎講，佢係一個多媒體劇場，有好多跨界元素，例如流行音樂，藝術，舞蹈，傳統演員等等。在裡面會有好多條線，其中一條係講逆生長，探索唔同階段，每個人在身體上嘅烏托邦可以係點。在劇裡面，我地幫林二汶x岑寧兒做左一首歌叫＜銀髮白＞。簡單講就係兩條頭髮嘅共舞，當兩條頭髮一條銀，一條白，在個劇場裡面用聲音，影像去呈現嘅時候，我地仲係咪諗梗年長呢？就算真係諗梗年長，我諗都可以幫助我地從另一個角度去睇所謂嘅「年長」。
某程度上，創作本身已經是一種烏托邦。
「點解繼續要做創作，就係因為在呢d文藝作品裡面，往往可以俾人感受到＜剎那的烏托邦＞，繼而大家都會對呢個世界繼續有希望，想將呢個烏托邦呈現出黎。外面嘅世界一向都將「流行音樂」同「正統音樂」分得好開，一向做流行音樂嘅，都好少可以入到做正統音樂嘅範疇。而今次我地三個做流行音樂出身嘅人，可以參與到＜新視野藝術節＞，我諗本身對我地黎講已經係一種超越。」
＜剎那的烏托邦＞：
http://www.newvisionfestival.gov.hk/2016/html/tc/utopia.html
以優惠價訂閱一年雜誌，可獲贈精選訂閱禮品。
Subscribe
