復活假煲劇睇戲好推介
復活放假唔旅行,留喺屋企煲Netflix都不失為一個好選擇,為大家推介以下幾套戲。

《怪奇物語》(Stranger Things)
在這個請三放十的長假,絕對需要一套有水準的劇集去kill time,就算你不覺得Stranger Things是神劇,但它也起碼是高水準之作,以童星為中心、讓人懷念的濃厚80年代風格、出色的配樂,不難明白為何會在網民間有極高評價。有幾多人未睇過?我,未睇第二輯。整季只有九集,啱晒。

《悍戰太平洋》(Pacific Rim)
第二集的Pacific Rim Uprising現在上映,雖則話電影一定會照顧剛入場的觀眾,但睇完第一集再入場始終會投入點。假機械人與怪獸於香港大混戰,由維港打到落九龍,激戰足40分鐘,讓觀眾過足癮。你問我,第一集最出色的地方,就是無景甜。

《格雷的五十道陰影》(Fifty Shades of Grey)
我必須強調,本人亦無俾錢入戲院睇過任何一集。相信男士們都會有同感,格雷絕對不是甚麼好電影,如果大家知道,系列只是一個年過50的肥師奶的情慾幻想。講到這裡為何還推介大家睇?無論你身邊那位是日對夜對的老情人,還是頭一次上你屋企的新伴侶,你總需要在埋牙前燃起些少火花,當然,你無理由odd到開套四仔,播一套「女人認為有水準的情愛電影」,方能成功。我明,重點是你要先有女,無的不緊要,睇上邊那三套。
Topic:
YOU MAY LIKE
Esquire_Paper
Esquire Magazine

以優惠價訂閱一年雜誌,可獲贈精選訂閱禮品。
Subscribe
