Honda Civic Type R 試駕 踩極都有！
雖然個人的試駕經驗尚淺，只能以一個初心者的角度去試車，但當知道要試 Honda Civic Type R 的時候其實還是很雀躍的 - 娘少少講句：「Civic Type R，我細細個就聽過呢個名㗎喇！」而且今次試的更是充滿突破的一代，說不期待絕對是假話。
老實講，個人覺得 Civic Type R 從來都不屬於 Civic 系列，簡單講一個是跑車一個是房車，單單是風格已經完全不同。不過試過之後，又不難明白 Civic Type R 點解係 Civic。簡單點講，只要不開啓 R+ 模式，Civic Type R 是一架稍為好力一點的房車，懸掛軟硬適中，加上新車後座空間比以往多，即使間中要載載屋企人亦勝任有餘。
不過如果開啓 +R 的話，就完全是另一回事，雖然不能自行設定，但避震加硬，軚盤油門反應接近即時，加上短波棍，整個操作比未開啓 +R 之前緊湊刺激得多，由家庭車瞬間變身成為跑車！而且坐在車內，你不會找到一部房車應有的豪華設備，更不可能找到市面有自動波的 Civic Type R！因為自動波簡直就是對辣車如 Civic Type R 之侮辱，Civic Type R 講求的就是純粹的駕駛樂趣和跑車的刺激！
至於有幾「跑車的刺激」？祕密就是這副 2.0L VTEC 引擎，首次加入 Turbo，馬力 310 匹，扭力40.8kgm，而且只要 2500 轉就可以完全輸出！實際試車之下，開啓 +R 後感覺好明顯，只要稍為踩深一點油門，大約在 2500 轉左右就會有一股力湧出，然後動力基本上是源源不絕，爽快到不得了！
至於外觀，個人最喜歡的就是後座門的設計，將門把收藏在窗邊，同時兼顧到四門的實用和兩門的簡約；至於外觀上，包圍裙腳自不可少，但一些朋友覺得車身比較肥，個人反而覺得新車只是接近近代 Honda 車的設計，你未必一定覺得靚仔，但個人會覺得它有性格。
這一點在車尾看會更明顯，簡單講就是近代 Honda 車如 CR-Z 等的風格，當然，下繞流、雙出孖喉這些都只是基本，至於一架 Honda 要價 $586880 是否值得？最速頭轆車、第一部 Turbo Type R、第一部行貨 Type R……等等，其實好睇閣下是否死忠，喜歡的話多多錢都抵，否則如朋友所講，買架二手 Porsche 996 都係差不多價錢而已。
或者你會發覺成篇文望來望去都只有外觀？當然，寶物沉閨底，之後我們還會有 Civic Type R 的試駕影片，想看的話就要繼續留意 EsquireHK Facebook 了！
訂閱1年12期Esquire雜誌可享7折優惠，並獲贈訂閱禮品一份。
Subscribe
