Nokia 3310重生現真身! 貪食蛇都一齊回歸!
早前公佈Nokia 3310正式reboot回歸的消息,想不到今日就已經正式現出真身啦!睇真機,其實同原生一代都幾相似,而且貪食蛇都一齊回歸!

唔知大家仲記唔記得,Nokia的開機畫面,係Connecting People,都好似是上一世紀的事。來到smartphone的年代,大家都垢病人與人之間好像更多隔閡,到底從前一部基本俾你打出打入,最多俾你sms的手機,是否可以重回Connecting People的世界呢?
Nokia手機業務被Microsoft收購後,輾轉又回到芬蘭公司HMD手上,為Nokia重新出發!而在年度科技界盛事MWC 2017之上,Nokia 3310正式回歸,在Nokia發佈會的最後一刻亮相,成為全球焦點!

睇睇原版的3310與新一代的Nokia 3310,功能上當然不會是重回單色屏幕啦!但是在重生而言,算是做到形似神似,叫做一眼就認得出來!是否同樣地可以成為「地上最強手機」仍是未知之數,我等待發佈後,有哪些媒體又會拿去瘋狂對待Nokia 3310就會知道了!不過,Nokia 3310肯定的最強位置是,竟然可以有31日待機時間!是31日,並非31小時,足足一個月都不用充電!

Nokia 3310的重生,絕對是一個話題之作,更是為Nokia品牌重新出發最好的話題之作!而且定價只是在49歐羅,計落400港幣左右,如果真的可以在香港買到,肯定大家都會捨得入手一部來玩玩,作為旅行的後備機也真的不為過!不過真的用來作日常使用應該真的很困難,因為reboot的Nokia 3310竟然將2G世界reboot,如果真的用來上網應該可以等到下世紀都仍然未睇facebook!

新一代Nokia 3310機身更薄,比iPhone 7更「user friendly」的,是有一個3.5mm耳機插口呀,你班人終於可以用耳機啦,而且可以用來講足22小時的電話,用盡你一世都用唔完的通話分鐘!

Nokia 3310推出四種顏色的紅、黃、灰及藍,也的確令人想起Nokia當日最熱賣的顏色,不過看來Nokia 3310並沒有自行換殼的功能,比較可惜呢!

Nokia 3310重生的同時,大家當日最為之瘋狂的貪食蛇遊戲都一齊回歸了!不過當然非初代貪食蛇版本,而是彩色的遊戲版本,到底會否更好玩?我不知道,只知道不用課金不用網絡,要玩就玩!

Nokia 3310擁有200萬像素鏡頭一個,似有還無啦,你不會真的去使用,不過聊勝於無,有時可能應急去用都可以的,內置16GB記憶體,你可以用來大量影相都得!

Nokia 3310帶回久違了的FM收音機功能,聽收音機終於毋需用數據啦!

Nokia 3310的menu重從那些年我們熟悉的九宮格方式,清晰好用。

以優惠價訂閱一年雜誌,可獲贈精選訂閱禮品。
Subscribe
