Tesla Model S P85D 試駕 好到唔似車
講起 Tesla Model S，其實好多功能都已經在較早前的影片提到過，例如 insane mode、天窗開關、creep mode、避震調整等等。不過車當然是要實際試過才見真章，今次我地再一次遇上這款 Tesla 電跑，除了對其他功能如 apps 連動功能等等有更多了解外，當然不少得自己落手試。到底對於第一次揸電動車的我來說，Tesla 到底讓我有什麼感受？
開車前先看有關 apps 的功能，Tesla 本身有手機 app 提供，安裝之後，只要做好一次設定然後 save 做一個 profile，和手機同步之後，只要下次司機上車，手機連好線就會將設定還原，即使中間有其他人揸過，改過倒後鏡和 seat 位等都無問題。
設定以外，車上的電腦更可將手機入面的聯絡人、日曆等等同步，然後於中間的招牌 17 吋螢幕顯示。除了車子相關的調教以及手機連動外，Model S 亦有內置導航系統，而且採用全電子錶板，加上多功能軚盤，基本上手不用離開軚盤都可以做到大部分功能。
至於試駕方面，由於我自己揸開細車，所以剛開始試駕 Model S 的時候的確會怯，畢竟車身大，馬力大，習慣是需要時間的。不過 Model S 本身有後 cam，亦有距離感應器，加上操控比想象中簡單，只要設定好 creep mode 的話大部分時間都只需要一隻腳去操控，所以其實算容易上手。
兩個加速模式、三個軚盤鬆緊度，合共有 6 個不同組合，我個人就長期用 sports mode 軚盤，雖然比較緊，要好大力才扭到，但控制難度低，精準度更高。而加速就當然要用 insane mode，自己一腳踩落去又同坐人地車是兩回事，爽呀！而講到電動車的最大優勢，就一定是扭力，基本上只要一腳踩落去，扭力就會完全輸出，上斜基本上無難度，另外就是基本上無消耗品需要換，完全無需擔心水箱水、偈油波箱油等等。
不過，雖然以車論車 Tesla Model S 的確好好，但相對來說，可能因為太多高科技，反而令人揸落有種不像揸車，而是操作一件科技產品的感覺，或者這就是新時代的陣痛期，又話唔定，好快就有自動駕駛的汽車量產發售，都是就連操作高科技產品的機會都無啦。
以優惠價訂閱一年雜誌，可獲贈精選訂閱禮品。
Subscribe
