80後足球世界|仍然記住那些年的愛華頓!
英超成立以來只有六支球隊未降過班,愛華頓是其中一支。今季開鑼係威係勢,但唔好意思,作為80後非愛華頓球迷,談起拖肥糖,我的時空裏仍然停留在鄧肯費格遜、加維臣甚至是修荷路和安斯禾夫的年代‥‥你又識唔識佢地?

鄧肯費格遜
高Q大棍的英式足球近年唔多見,傳統柱䠢式中鋒好像只有韋斯咸的卡路爾。鄧肯費格遜絕對是90年代柱䠢式中鋒的佼佼者。性格火爆,在蘇格蘭時曾因打人而入獄,但這位飛將軍絕對是當時英超其中一位最難mark的前鋒之一。鄧肯費格遜先後兩次效力愛華頓,共為球隊攻入74球。

安斯禾夫
安斯禾夫相比以上兩位可能無咁出名,但筆者對佢卻有好深印象,好可能是因為每次玩足球經理人遊戲,都必定會簽下的球員。這位司職後衛的英格蘭球員,12碼及罰球都有一手,為愛華頓上陣超過300場,竟能射入34球,勁!

90年代尾愛華頓多次捲入降班漩渦,最後都能化險為夷。其中在1998-99年球季,愛華頓陷入水深火熱,但最後憑著一位借將成功翻身,佢就係奇雲甘寶。奇雲甘寶季尾為愛華頓上陣8場,竟取得9個入球,而頭3場共射入6球,令佢成為唯一一位能榮獲每月最佳球員獎項的借將。奇雲甘寶不是愛華頓的傳奇,但絕對是神奇,相信愛華頓球迷不會忘記佢!

加維臣 & 卡斯利
千禧年代的愛華頓表現有所改善,雖然無乜超級球星壓場,但有兩位人兄絕對是80後球迷的集體回憶。來自丹麥的加維臣與愛爾蘭國腳卡斯利組成光頭佬孖寶,憑著極高效率的掃蕩能力和勇猛的攔截,成為愛華頓的中場Icon。

李鐵 & 李偉峰
講起Icon,「雙李」也必定是球迷的集體回憶。中資公司贊助了愛華頓後,冇耐李鐵和李偉峰就雙雙加盟愛華頓。記得當時鬥出買錯人的笑話,而球迷也預料這兩位中國球員只有商業價值,應該都無出場機會。豈料李鐵卻十分爭氣,幾乎踢足全季正選,相反李偉峰就只曾在盃賽上陣。

謝菲斯 & 卡丹馬達利
有時未必一定是經典球星才能令球迷留下深刻印象。兩名曇花一現的新星相信球迷都好有印象。老鼠仔謝菲斯出道時甚有睇頭,一致被球評家看好,可惜一直都踢唔起。而卡丹馬達利就更早出道,飛快的速度和突出的外型,很快就被球迷留意,更加有球迷用奧雲跟他作比較。不過兩位發出過短暫的光輝後,都銷聲匿跡。

卡希爾
終於返到去現在的時空了!卡希爾可說是愛華頓近年的代表人物。這名袋鼠仔身材唔高大,但又經常以頭槌入波,而袋鼠打Boxing 的入球慶祝方式也令球迷津津樂道。現時效力澳職墨爾本的卡希爾,曾為愛華頓上陣226場,攻入68球。

以優惠價訂閱一年雜誌,可獲贈精選訂閱禮品。
Subscribe
