港中大戰女友會問你的8個問題

6 Nov 2015

11月17日又再爆發港中大戰，一票難求下大家只好坐定定睇直播。八時正開賽，剛好食飯時間，又可相約另一半一邊吃飯一邊撐港隊。但老老實實，大家一年睇英超的場數，已經比你一生人睇港隊比賽的次數多，你對港隊又有多少認識？做好準備，免得被人問到口啞啞！

1. 香港唔係回歸左中國咩？

香港雖然回歸中國，但跟參與其他體育賽事一樣，在一國兩制下，按照《基本法》，香港雖然屬於中華人民共和國的一部分，但仍可獨立派出代表隊參加國際賽事，於是便會出現香港對中國的情況。

2. 咁回歸之前係點？

回歸前香港作為英國殖民地，在參與體育比賽時，仍然有一個獨立的會籍，只不過名稱為英屬香港，旗幟上有英國國旗，而1996年李麗珊奪得奧運金牌時，在頒獎台上奏起的乃是英國國歌。若你的另一半好奇心爆棚，不妨說說1954年以前，香港未有國際足協會籍時，香港足球員只能代表中華台北出戰國際賽，而又屢創佳績。

3. 點解唔見李健和同歐偉倫？

「左鄰右李」的單刀橫傳及底線傳底深入民心，也是女士們少數認識的香港足球員。雖然如此，隨著年月的過去，兩人都年事已高，早已退役。咁現在香港有什麼球星啊？至少你要認識曾帶領香港奪得東亞運動會金牌、首循環對中國隊力挽狂瀾的鋼門葉鴻輝，當然你也可向女友介紹靚仔後衛李志豪及風流倜儻的前鋒「陳七」陳肇祺！

4. 點解香港隊有外國人？

早前鬧出的海報風波，正正是中國足協形容香港球員有黃有黑有白，而事實上當晚看直播的話，會見到不少外國球員在香港隊陣中。這些叫「歸化兵」的球員，需要在港住滿7年，並放棄原有國籍，領取特區護照便有機會代表香港出戰世盃及亞洲盃等國際賽。安基斯、高梵、麥基、法圖斯及基藍馬等歸化兵，睇得打得，隨時成為香港隊的英雄，記得認實佢地！