Cristiano Ronaldo 你們還會說C朗不值嗎?
本地填詞人Wyman講過:「寧願得唔到獎,別人覺得自己唔抵,總好過得獎,但別人覺得自己不值。」昨晚C朗在FIFA頒獎禮上奪得世界足球先生殊榮,但總會有人說歐國盃葡萄牙奪冠只是好彩,又會說決賽時C朗早已傷出。2016年的C朗(Cristiano Ronaldo),大家會覺得是實至名歸,還是覺得美斯唔抵?

寧願得唔到獎,別人覺得自己唔抵
論天份,球迷都會覺得美斯較好,但C朗肯定是以勤力取勝。其實C朗在曼聯後期直到皇馬時期,都保持極之穩定的狀態。加上C朗在球場內外的鬥氣和火氣,令到一眾球迷認為C朗比起美斯更加熱愛足球,更加敬業樂業。不過「既生瑜,何生亮」,美斯還是多C朗一個金球獎/足球先生,令到好多人都覺得C朗唔抵。

歐國盃的重要意義
2016年對C朗最重要的,應該都是奪得歐洲國家盃。雖然我們都不是C朗,但電視機上看到他傷出時的悲傷,紮住在場邊咆哮的肉緊,足以證明他對國家隊的重視程度。其實C朗在國家隊都過了不少傷心的年頭,皆因個個都對葡萄牙充滿期望。2004年時在決賽不敵希臘,之後經歷過外圍賽出局、分組賽大熱倒灶、入球荒等等,C朗在葡萄牙確實不是一帆風順。所以世界足球先生是個人成就的肯定,但C朗最開心的,好可能是屬於國家及一眾隊友的歐國杯冠軍。

歐聯冠軍
相比起歐洲國家盃,C朗帶領皇馬奪得歐聯就無咁震撼。不過C朗在歐聯的表現都不容忽視。雖然四強及決賽都無波入,但他仍然以16球成為歐聯神射手。其實皇馬在8強都瀕臨於出局邊緣,全靠C朗在對禾夫斯堡的次回合比賽連中三元,才能抵銷首回合落後兩球的劣勢。

以德服眾
C朗的脾氣一向不算特別好,但好多人覺得佢只不過是過份投入。但要看清楚一個人的人品,不應該只集中在球場內。C朗在場外其實絕對是一名好好先生。愛錫孩子、孝順媽媽、關懷社會弱勢,這些都看得出C朗絕對是一個有血有肉的真男人!

美斯的低潮
無論表現得幾好,冠軍就只有一個,所以好多時都是時勢造英雄。C朗多年來的勁敵美斯在2016確實較遜色,特別是在美洲國家盃的表現,間接令阿根廷在決賽落敗,始終未能奪得第一個國家隊的冠軍獎項。再加上在歐冠盃失利,最終只能以本土西甲冠軍過終點。相比起來,C朗奪得2016年世界足球先生也是合情合理。

人生勝利組
C朗事業有成,有個好好的媽媽,也有可愛的細路,絕對是人生勝利組。如果說仲有咩未圓滿,好可能是一個在背後支持佢的女人。不過昨晚的FIFA頒獎禮,C朗終於帶了他的新女朋友Georgina出席,未知她會否成為C朗在愛情上的最後一站呢?
更多內容:
新年訓練計劃你要知道的HITT健身重點
U19超新星
做到謝拉特這種男人夫復何求?

以優惠價訂閱一年雜誌,可獲贈精選訂閱禮品。
Subscribe
