【唔該,跟隊!】街場奇趣事構成男人的集體回憶

Esquire HK - YK LO
  • 27 Nov 2018

香港土地問題嚴重,年輕人想約埋班Friend 踢波出一身汗都唔係易事。喺踢League未普及前,各位波牛一定經歷過到街場踢隊的日子,當中一定有喜有悲。以下各種街場奇趣事你哋又有無經歷過呢?

學生永遠是時間成本最低的一群,放學衝去球場跟隊相信大家都試過。不

總有人會全副裝備

學生永遠是時間成本最低的一群,放學衝去球場跟隊相信大家都試過。不論你年輕力壯,球技有多出眾,喺開波之前你可能已經成為被取笑的對象。你地有無見過著晒全副裝備去街場踢波的人呢?我就見過成套碧咸波衫、波褲、波襪、護脛甚至是釘鞋去街場踢波。
香港大部份街場都係石屎地,大部份人都係著白飯魚踢,而有人竟然全套草地服裝去踢,護脛加釘鞋已經無人敢同佢搶五五波,而你一身碧咸裝扮真係驚你剷穿見衫返屋企喊!

隊長臂章有人嫌全副裝備未夠搶眼,竟然仲戴上隊長臂章,不過街場沒有

隊長臂章

有人嫌全副裝備未夠搶眼,竟然仲戴上隊長臂章,不過街場沒有球童俾你拖住落場,也沒有球證跟你擲毫,對方也沒有隊長跟你握手!不過都明白年輕人想當球星的夢想在香港不易達成,唯有在街場成就這個小小的夢想!

自創入波動作細個扮球星是人之常情,但我又見過有人自創入波動作,入

自創入波動作

細個扮球星是人之常情,但我又見過有人自創入波動作,入波後衝向角球旗跳怪舞。雖然又無咩大不了,但人人踢街場入波都係拍下手就算,你就走去搞大龍鳳,難為隊友都唔知點配合你去慶祝。

拍掌多謝球迷球星退下火線通常會高舉雙手,拍掌答謝球迷支持。但你又

拍掌多謝球迷

球星退下火線通常會高舉雙手,拍掌答謝球迷支持。但你又有無見過街場有人退下火線,卻模仿球員拍掌答謝球迷?雖然現場得一班維園阿伯外,都沒有人也看你踢波,但咁有禮貌的行為其實又值得支持!

球場火車頭雖然街場踢波好Causal ,但Causal 到邊踢波邊食煙又真係頂佢唔順。相

球場火車頭

雖然街場踢波好Causal ,但Causal 到邊踢波邊食煙又真係頂佢唔順。相信大家都遇過擔住口煙踢波的對手,又或者你自己的隊友都有咁嘅習慣 (tag 佢出嚟)。但為安全起見,大家都係唔好咁做喇!

猜龍好喇好喇!跟左三隊,等左九個字,終於到自己落場。不過現實永遠最殘

猜龍

好喇好喇!跟左三隊,等左九個字,終於到自己落場。不過現實永遠最殘酷,就是要猜龍。無咩人鍾意喺街場守龍,但你練跑練罰球都唔會練包剪揼,命中註定你要一夫當關。做龍都算喇,最慘就係明明唔係守開龍,俾人射入左隊友竟然怪責你做咩唔飛撲!大佬,石屎地嚟架!

一分鐘輸波今次終於猜贏唔使做龍,仲可以做前鋒添,點知一開波隊友就

一分鐘輸波

今次終於猜贏唔使做龍,仲可以做前鋒添,點知一開波隊友就在後場失誤,開波一分鐘都未夠就失波。我成日都覺得打兩分先係最好玩,但無奈太多隊跟,打兩分踢兩個鐘都未必踢完,於是往往出現等一個鐘但踢一分鐘的尷尬場面。不過都係嗰句,後生的時候時間成本低,最緊要有波踢!

男人最痛後生時踢波一定博到盡,你身上有多少傷痕時細個踢波整親的

男人最痛

後生時踢波一定博到盡,你身上有多少傷痕時細個踢波整親的?講到男人最痛,一定是被波省中小弟弟,嗰種痛苦係無法用筆墨所形容。不過我還有一個恐懼,就是俾波省爆眼鏡,返屋企俾阿媽鬧之餘,成個星期都好像活在夢境中,看不清世界發生的事。
回想昔日的日子,有笑有淚,回頭一看,是一段永遠不能重温的回憶!各位昔日波件,你哋又有無咩街場集體回憶跟大家分享呢?

Loading...
YOU MAY LIKE
訂閱Esquire接收最新男士生活資訊
Sign up FOR ESQUIRE_PAPER NOW!!
下篇文章