6個一定要看奧斯卡得獎電影《奇異女俠玩救宇宙》的原因（以下並無劇透）

《奇異女俠玩救宇宙》（Everything Everywhere All At Once）由Daniels編劇及執導，也就是Daniel Kwan及Daniel Scheinert這個組合。

電影剛剛獲得了最佳導演、最佳原創劇本、最佳剪接、最佳編劇、最佳女主角、最佳男配角及最佳女配角。如果有看過兩人的舊作《救你命3000》（Swiss Army Man）大概你就會明白「我究竟睇咗d咩？」是怎樣的一個感受，唔看過前作的話，看完這一套你或者會同我一樣感受覺得要看番前作！而《奇異女俠玩救宇宙》無疑就是貫徹了兩人的特色，帶來這一套非常破格的電影；故事陳述及演出都是非常估佢唔到嘅過癮。

仲有，當中的打鬥場面由黎氏兄弟Andy和Brian這個動作指導設計，裡面有著港式打鬥特質，獨特有趣好看。

如果你鍾意科幻片，呢套本身嘅設定係一個你要入場嘅原因。這套電影基本上是只要一不小心就會「過火」，這個「太超過」可以是意識上、幽默感上，甚至所謂政治正確上。現在個處理就是剛剛好，那種非常繁複的想法、怪誕的氛圍、非常不協調的各種元素，天馬行空地以「一個女人要報稅」為開始，同你講呢個宇宙嘅連結，每個人的選擇以及選擇後的後悔，大自然以及愛；全部嘢加埋唔關係，電影就係可以講這些命題都覆蓋並且以一個很好及結尾感動你的方式來說。難怪，最佳原創劇本及最佳編劇。

玩到好大，大到你唔知被人帶咗去邊，兜好大個圈講愛，其中有幾幕怪誕到你會以為世界靜咗，以為自己痴咗線看錯了。但就正正係呢幾幕最怪誕嘅係事後讓你絕對毛管棟地處理得太好。為了唔劇透，所以呢度唔可以講劇情，但呢個位一定人人都中咗「世界靜止了」嘅趣味。呢個簡直成了經典！

今次呢套電影，成功將楊紫瓊、珍美李寇蒂斯及關繼威三位原祖級演員重新塑造，他們三人的精彩演出，更獲得了最佳女主角，讓楊紫瓊成了首位華裔影后；珍美李寇蒂斯及關繼威則分別獲得最佳女配角及最佳男配角的殊榮，而關繼威得獎感言也非常感動人。

聽講導演話本來電影係以成龍為藍圖，因為當時嘅一些不能解決因素，才有現在的選角，實在是太好！而關繼威則於80年代飾演過《奪寶奇兵之魔域奇兵》和《小靈精》後，在王家衛的《2046》擔任副導後就離開了荷里活，25年沒有演戲，但就突然得到這個機會，因此上次在金球獎得獎時就多謝了伯樂史蒂芬史匹柏導演。

加埋飾演阿女嘅史蒂芬妮許，全部選角都有好強嘅化學作用，而聽講導演們的目標是以夏令營的方式拍片，即係包括每天早上圍一圈，玩一個新的即興發明的遊戲；講真，你會從電影感受到呢種夏令營歡欣。

好多時天馬行空嘅電影取代最後都好容易落入爛尾結局，可以好認真咁同你講「放心，呢套完結得很好」，所以雖然你會唔知道自己睇咗d咩，但你一定唔會後悔。咁複雜都處理得咁好又無爛尾，得獎確實實至名歸。

要將兩套比較係唔公平的，因為一套係大製作嘅popcorn電影，而呢套係幕後得8個人做視覺特效嘅電影，但出來嘅效果逼真而且深具風格，既滑稽又奇異，嗰種莫名其妙非常的有型。