睇波係男人的浪漫?足球,應該和誰看?

Esquire HK - YK LO
  • 29 Sep 2017

《煙花,應該和誰看》這命題,在維港兩岸應該都係同大媽睇,我無興趣關心。而食飯、睇戲、睇波,緊係約埋三五知己最開心?人大了,好多事情都不會柴娃娃去做,有時更想享受一個人的時光。應唔應該這個問題,除了想唔想外,還有很多實際上考慮。老友、老婆、囝囝、球迷會、高登仔,那個會和你一起睇波?還是到最後都是選擇一個人看? 

足球,應該和老友看?

這個答案應該大部份人都不會反對。有咩浪漫得過同三五知己到酒吧,食住花生喝著生啤欣賞足球。在花生和粗口橫飛的酒吧裏,你會感受到每一個人都把日常的工作壓力徹底釋放。可惜當一班麻甩佬成家立室後,這些日子就愈來愈少了。

可能你們會相約在其中一個人的家中相聚,但在土地問題嚴重的香港,你又怎會在朋友家中大聲喧嘩,又怕會嘈親聽日要返工返學的阿嫂和囝囝,而粗口更加是一句起兩句止。所以到最後,一樣好應該做的正經事,都會變得不可能。

足球,應該和老婆看?

由於三五知己的睇波團愈來愈少,你又避免要舟車勞頓同趕住返屋企,到最後都係會留在家中,和老婆一齊睇波。我經常都好懷疑,究竟這樣的格局,算唔算係一齊睇波?當你好興奮咁嗌時隔離嗰個無反應,當你爆粗鬧越位時隔離嗰個唔明發生咩事,又或者除了C朗、美斯外,其他球員佢全部都唔識的時候,你會覺得大家出現了嚴重的鴻溝,到最後還是一起看王浩信會開心一點!

足球,應該和球迷會看?

唔知大家有無參加球迷會的聚會呢?這類聚會的氣氛真係好特別,球迷會的會員話熟唔熟,可能在網上或whatsapp group都會經常傾波經,但除了足球外又好像沒有其他話題。

我個人就不太喜歡這些球迷會的睇波聚會,因為大家捧埋同一隊,始終都無咩牙胶戰,極其量都是爭論下邊個踢正選會好啲,而且好多時都會員都會帶埋老婆女友一起參加聚會,令到大家變得斯斯文文,完全無法展露麻甩一面。

足球,應該和囝囝看?

如果大家有囝囡,可能都試過同佢地一齊睇波。我自己雖然未有咁嘅機會,但小時候都會和爸爸一起坐在電視旁睇波。兩父子睇波的確是一件好温馨的事,什麼是角球,什麼是越位,什至是一些做人的道理,爸爸都會好細心咁一一講解俾你聽。
最重要係,你個囝鍾意邊隊,支持邊個球星,都會好受你影響,不過這個專利只限於十歲或以前!

足球,應該自己看?

在資訊發達的年代,就算是你一個人在家人睇波,都毫不孤單。你可以在whatsapp group 和朋友吹水,也可以到討論區表達意見。有時出去睇波,最怕後面個阿叔大大聲聲咁做球評家,在網絡世界你可以skip 晒所有唔啱聽的言論,而且在家中又可以減低開支,半場可以打場FIFA,又唔使俾老婆詐型。所以應該和誰睇波的問題,好多時都同想唔想係兩回事。

雖然我們永遠都會嚮往和三五知己睇波的日子,但往往衡量過所有得失後,足球,還是和自己看。

Loading...
YOU MAY LIKE
訂閱Esquire接收最新男士生活資訊
Sign up FOR ESQUIRE_PAPER NOW!!
下篇文章