【葉浩文專欄】中佬要減肥最終都係運動,而你就要記住以下堅持!

Esquire HK - Kirk Yip
  • 1 Mar 2019

中佬要減肥並唔容易,食藥?節食?講到最終都必須配合運動,但永遠講到運動,你就會想起工作、家庭、休息,每樣東西都未必兼顧得來,又如何運動呢?但葉浩文認為,你必須要記住以下堅持!

今年拜年, 最多朋友問我不是有甚麼好投資,而是究竟點樣先可以減肥, 點

今年拜年, 最多朋友問我不是有甚麼好投資,而是究竟點樣先可以減肥, 點樣可以堅持? 朋友大多覺得自己成日係公司唔郁,食野又肥膩,體重一去不返,同時新一年新開始,想幫自己換個新面目,於是同我取經。

我同佢地講,兩個字:運動。其實我甚至覺得有冇需要減肥,都應該運動下。但

我同佢地講,兩個字:運動。其實我甚至覺得有冇需要減肥,都應該運動下。但唔少朋友同我講平時返工都已經好忙,完全冇時間運動,翻到屋企就攤係床度唔想郁。其實大家都有誤解,覺得運動一定會令自己更疲累,好似我一星期至少三次六點起身跑步再去返工,反而保持到全日精神。會疲累嘅原因,係因為生活作息唔正常,加上鍛鍊並唔足夠;當然我都承認初初開頭一定會好辛苦,因為你仲未開始習慣,但相信我,堅持落佢一定會有成果。

身邊好多成功人士前輩都習慣一早起身運動,而我以前冇做運動,無時無

身邊好多成功人士前輩都習慣一早起身運動,而我以前冇做運動,無時無刻都覺得冇精神,午飯唔出去食飯都要訓覺,但問題係午睡亦會影響夜晚睡眠,到最後夜晚唔訓,朝早冇精神,搞到自己身體極差。

朋友又話其實佢都明,但問題就係太懶,起唔到身。我有運動習慣,正如大家

朋友又話其實佢都明,但問題就係太懶,起唔到身。我有運動習慣,正如大家有懶惰習慣,當你知道唔好嘅時候,不如真係俾個機會自己,試下強迫自己,令自己更好。好多人以為運動鍛鍊肌肉,但最主要都係鍛煉意志,甚至係因為自己意志更堅強,令到自己身體可以更堅強,更有自信認為自己可以完成不同嘅挑戰。

同大家講一個理論,我地成日討論一個人「大方」、「氣度」,好多時可能係因為係

同大家講一個理論,我地成日討論一個人「大方」、「氣度」,好多時可能係因為係必要時候為其他人伸出援手,就好似一班人行山,有男士願意替大家揹重物上山,會覺得佢幾大方,但其實呢種氣度係建立係一個人有餘力,亦有心力嘅情況下,當你自己都顧唔好嘅時候又點樣展現自己嘅氣度呢?將行山嘅比喻放落工作亦然,當然點樣幫、幫幾多,又可以寫另外一篇文章,在此就不再詳談。

我最後提供了幾個方法比朋友,想真心開始運動,搵一個好朋友願意陪你

我最後提供了幾個方法比朋友,想真心開始運動,搵一個好朋友願意陪你,督促你,上你屋企抓你起床,又或者利用社交平台,利用社交壓力強迫自己去做,相信我,一兩個星期後就會覺得唔做唔得。

Loading...
YOU MAY LIKE
訂閱Esquire接收最新男士生活資訊
Sign up FOR ESQUIRE_PAPER NOW!!
下篇文章