【鄒凱光專欄】資訊爆炸的當情緒超載，你會選擇痛苦面對還是毅然放棄？

而你寧願選擇痛苦，也不敢毅然放棄，因為怕被人家誤會，你連基本參與也嫌辛苦，你對得住在前線的人嗎？但其實你消化不良，再睇幾多都係一樣，根本是水過鴨背，睇完其實等如冇睇過！

和人家傾談時，其實發現自己有很多原來唔清楚的地方，所以也只能繼續去聆聽，不敢亦不懂表達自己意見，到頭來可能換來對方冷言：「你好似冇跟啲post喎!」，然後你欲辯無從，只好忍氣回去，金晴火眼再閱讀，希望可以跟貼番，但越跟個距離就越遠！

咁可以點做？

我把這個問題跟做醫生的朋友傾談過

「你為什麼覺得，世界所有事你也應該知道呢？」

「但這是最貼身的事，比很多世事也重要呀？」

「那你知道格陵蘭一天融冰20億噸嗎？地球會毀滅，會否比香港的間題大呢？

你現在知道了，那你又有什麼方法去面對呢？」

「醫生!是否如果無法面對，就選擇不去了解呢？」

「你一定要了解，但首先要了解自己，究竟自己學識能力能否可以了解到？」

「但所有學習就是不懂去學到懂，我們不是應該令自己增強學識去理解這事嗎？」

「對!增強學識當然對理解是有用，但首要還是要理解自己，每一個人的學習能力不同，你若不是霍金，再睇幾多「黑洞」的資訊，都不會折解到黑洞之謎!」

事實上我想起當講述霍金的電影「Theory of Everything」上映時，確實引起身 邊不小人拜讀霍金的「時間簡史」，但最終他們關注這部電影的，還是奧斯卡金像影帝Eddie Redmayne扮霍金的維肖維妙演出。

「就算是最甜美的蛋糕，食一小件是最滋味，要你一日五餐都食，就會食不消，更何況那些是令人沮喪的資訊」？

又確實好多時侯，我看見美味蛋糕，都先會推介給身邊的人去吃，然後問他們「好甜㗎？」「漏唔漏？」 「滯唔滯？」，「都幾甜丫，不過唔算好漏，應該唔會滯，你試唔試吓丫？」通常都會答「唔駛!」因為其實唔係想食，只係想知，知了就可以當食了！

面對龐大資訊，就如面對甜美的大蛋糕，要量力而為，食得落先好食，千萬不要到食滯時才發現高估了自己，況且天天都有新蛋糕，其實你又食得幾多？

在這個年代，不對自己坦誠，才是最傷身的事！