Burger & Lobster香港期間限定店｜麗思卡爾頓酒店Ozone118樓靚景食漢堡、避風塘風味龍蝦

5 May 2023

提到香港麗思卡爾頓酒店118樓嘅全球最高室外頂層酒吧Ozone，大概大家都可能只想起放工去飲嘢，自3月起酒吧被Burger & Lobster takeover，成為期間限定店！本來期間限定完結，但因為備受歡迎，現在延長限定店，而且加入更多新的香港限定菜式，想就要儘快book啦！

今次Ozone x Burger & Lobster期間限定店由3月1日起，本來只舉行一個月月的限定，但因為受歡迎而延長直至另行通知，提供Burger & Lobster的指定菜單。這次的指定菜單豐富，前菜就有龍蝦Mac & Cheese(hk$158)、炒大蝦(hk$138/3隻大蝦)、黑松露croquettes(hk$98)，漢堡就有馳名嘅Mayfair漢堡(hk$228)、牛肉加龍蝦嘅B&L Best Burger(hk$258)、雞肉漢堡等(hk$188)。

Burger & Lobster出名嘅包括漢堡、龍蝦及龍蝦包，原味漢堡Mayfiar簡直就係comfort food，烘得香香的兩層麵包，夾住肉汁濃郁嘅漢堡，加上生菜番茄、酸甜黃瓜及秘製醬汁，就係最簡單最好味嘅漢堡！

另一招牌菜，當然就是龍蝦(hk$458)，可以清蒸或燒烤，配上薯條，就係最好嘅佐酒美食。當然，龍蝦包都係好受歡迎嘅美食。而來到香港，就特別添加了香港限定嘅避風塘風味龍蝦(hk$438)，最新更推出了蒜香微辣的少林炸雞及辣龍蝦包！炸蒜及辣椒爆炒嘅龍蝦，非常惹味，佐酒一流。

Lobster roll都有兩款選擇，而如果想樣樣都試，咁就叫個combo啦，分別有B&L Combo及The Sharing。B&L Combo(hk$568)有Mayfair漢堡、一隻龍蝦、薯條及沙律。而The Sharing(hk$848)就有一隻龍蝦、一個漢堡、2款side dish，足夠兩人分享。漢堡包方面，更加入了韓式泡菜漢堡包，喜歡泡菜的不能不試。