【俄羅斯世界盃2018】德國公佈世界盃陣容!萊斯和葛斯悲劇命運的交替

Esquire HK - YK LO
  • 16 May 2018

俄羅斯世界盃2018在即,衛冕冠軍德國隊公佈世界盃陣容!悲劇人物萊斯終於在決賽週陣容出現,總算沒有令支持佢多年的球迷失望。不過其老友、上屆世界盃決賽一箭定江山的葛斯飽受疾病困擾多時,最終和舒爾尼一同不幸落選。大家覺得德國隊陣容無咩驚喜,定係已經夠晒屈機呢?

2018世界盃德國隊陣容

俄羅斯世界盃2018將於今年6月中展開,當然要先看看陣容,才可以預測哪一隊贏面是否仍在!德國既為上屆世界盃得主,當然是大熱強隊,而今次公佈的陣容,又會是你心目中的最佳陣容嗎?

萊斯終於圓夢

萊斯終於圓夢

2014年德國隊棒走世界盃,萊斯可謂斯人獨憔悴!萊斯當年一直是領隊路維的必然之選,可惜在2014年6月頭的一場友賽中受傷,令他緣盡世界盃!禍不單行,2016年歐洲國家盃,打算捲土重來的萊斯竟又再受傷,再一次傷盡球迷的心,對他的打擊也十分大。萊斯未必是德國隊中最重要的一員,但一定是球迷心目中的最愛。今次萊斯再度入選球迷都好開心,大家都希望他能健健康康,一圓世界盃之夢!

新悲劇人物葛斯

新悲劇人物葛斯

天意弄人,上屆世界盃決賽一箭定江山的葛斯飽受疾病困擾多時,最終都未能入選世界盃陣容,不能與老友萊斯再度並肩作戰,可算是這個陣容的美中不足。萊斯和葛斯兩位最受女球迷歡迎的孖寶,在命運交錯下,交接了悲劇命運。另一位較意外的落選者,就是2014世界盃大數巴西7-1那場個人攻入兩球的舒爾尼。

預埋紐亞玩!

預埋紐亞玩!

大家都好耐無見過紐亞,歐聯拜仁因門將出錯輸俾皇馬後,大家更掛住紐亞。今季在聯賽只係上陣過3次的紐亞,德國隊的大門依然為佢而開。傷左咁耐唔多唔少都會影響狀態,唔知德國隊會唔會依然俾佢打正選呢?

2014冠軍隊的基本陣容

2014冠軍隊的基本陣容

德國隊的陣容就無咩驚喜,保持了大部份2014年奪冠時的正選陣容,保定、荷維迪斯、曉姆斯、湯馬士梅拿、高美斯、奧斯爾、卻奧斯等都悉數入選。有人擔心這班已拿過世界盃冠軍的球員會鬥心不足,但亦有球迷認為這個陣容再加上如日方中的辛尼,已經夠晒屈機,大家又點睇呢?

懷念一眾退役球星

懷念一眾退役球星

其實德國隊陣容一向都好穩定,但有些球員退了役就真係無辦法再見佢地。提提大家,由細睇到大的高路斯、拿姆及「小豬」舒韋恩史迪加已經退役了,筆者最懷念的畫面就是高路斯的屈機頭槌以及其空翻入波慶祝動作!
俄羅斯世界盃2018即將開幕,列強也陸續公佈大軍名單,球迷密切留意我們的討論吧!

Loading...
YOU MAY LIKE
訂閱Esquire接收最新男士生活資訊
Sign up FOR ESQUIRE_PAPER NOW!!
下篇文章