【80後球迷必睇】經典球星陪你倒數俄羅斯世界杯100日

Esquire HK - YK LO
  • 7 Mar 2018

俄羅斯世界杯踏入倒數100天,官方特意拍了一條球星「的波」宣傳片。宣傳片沒有當今球壇巨星C朗、美斯與尼馬,反而請來了80後球迷睇見都瘋狂的八九十年代的經典球星,其中科蘭一幕近在香港維港拍攝!想睇下朗拿度、馬勒當拿、中田英壽、華達拉馬、基維爾等球星近況,快啲去片啦!

朗拿度

朗拿度

片中頭兩下「的波」是英格蘭球星朗尼。吸引唔到你?唔難要,第3下就馬上請來令球迷尖叫的朗拿度。這位2002 年世界杯神射手在陽光燦爛的海灘旁邊表現下腳法,立刻勾起大家的集體回憶!

馬勒當拿

馬勒當拿

片中最具級數同最老資格的並不是朗拿度,而是阿根庭球王馬勒當拿。運用擅長左腳,帶住cap 帽在家中廚房施展腳法。這位帶領阿根庭奪得86年世界杯冠軍的球王,唔知能唔能夠睇到美斯帶領的阿根庭在俄羅斯捧杯呢?

甘波斯

甘波斯

墨西哥有咩球星?80後球迷一定會諗起3位入型入格的球星甘波斯、靴南迪斯同「夾波王」白蘭高。 花蝴蝶甘波斯是墨西哥的龍門,經常穿著顏色鮮艷的球衣,個子不高但身手敏捷!

科蘭​

科蘭

前世界杯金球獎得主科蘭也有份參與拍攝宣傳片,而背景更加上香港的維港!這位效力傑志的射手,在2010年南非世界杯大放異彩,以5個入球成為其中一位金球獎得主!

基維爾

基維爾

香港球迷認識基維爾大多是因為在列斯聯時的出色表現,但世界杯對基維爾來說卻是一個悲劇。被驗出患在罕有疾病,基維爾堅決要代表澳洲參加2010年世界杯。可惜在分組賽的第2場比賽,基維爾因在禁區犯手球被直接紅牌罰離場,而澳洲最後在分組賽出局,基維爾的最後一次世界杯生涯亦就此完結。可幸的是,當初被醫生指還有十年命的基維爾,現在總算能健康地生活。

華達拉馬

華達拉馬

歌仔都有得唱:「華特拉馬個髮型死都唔改‥‥」。原來係真㗎!退役多年,56歲的華達拉馬依然保留了獅子爆炸頭,Keep 得相當好!華特拉馬是哥倫比亞的經典球星,踢過90、94及98世界杯。94年出局後,其隊友艾斯高巴被槍殺,震憾全球!

中田英壽

中田英壽

睇中田英壽一生的造型,早已脫甩了運動員的味道。這位日本國寶是早年少數能進軍歐洲球壇的亞洲球員,可惜他早就厭倦了運動員這份職業,進軍時裝界!世界杯4年一次好耐?但不經不覺,好多球迷都同我一樣,已經睇左7屆世界杯了!仲有100日,俄羅斯世界杯開幕,大家準備好未?

video

立即睇睇一百球

Loading...
YOU MAY LIKE
訂閱Esquire接收最新男士生活資訊
Sign up FOR ESQUIRE_PAPER NOW!!
下篇文章