【80後球迷必睇】經典球星陪你倒數俄羅斯世界杯100日
俄羅斯世界杯踏入倒數100天，官方特意拍了一條球星「的波」宣傳片。宣傳片沒有當今球壇巨星C朗、美斯與尼馬，反而請來了80後球迷睇見都瘋狂的八九十年代的經典球星，其中科蘭一幕近在香港維港拍攝！想睇下朗拿度、馬勒當拿、中田英壽、華達拉馬、基維爾等球星近況，快啲去片啦！
馬勒當拿
片中最具級數同最老資格的並不是朗拿度，而是阿根庭球王馬勒當拿。運用擅長左腳，帶住cap 帽在家中廚房施展腳法。這位帶領阿根庭奪得86年世界杯冠軍的球王，唔知能唔能夠睇到美斯帶領的阿根庭在俄羅斯捧杯呢？
基維爾
香港球迷認識基維爾大多是因為在列斯聯時的出色表現，但世界杯對基維爾來說卻是一個悲劇。被驗出患在罕有疾病，基維爾堅決要代表澳洲參加2010年世界杯。可惜在分組賽的第2場比賽，基維爾因在禁區犯手球被直接紅牌罰離場，而澳洲最後在分組賽出局，基維爾的最後一次世界杯生涯亦就此完結。可幸的是，當初被醫生指還有十年命的基維爾，現在總算能健康地生活。
華達拉馬
歌仔都有得唱：「華特拉馬個髮型死都唔改‥‥」。原來係真㗎！退役多年，56歲的華達拉馬依然保留了獅子爆炸頭，Keep 得相當好！華特拉馬是哥倫比亞的經典球星，踢過90、94及98世界杯。94年出局後，其隊友艾斯高巴被槍殺，震憾全球！
中田英壽
睇中田英壽一生的造型，早已脫甩了運動員的味道。這位日本國寶是早年少數能進軍歐洲球壇的亞洲球員，可惜他早就厭倦了運動員這份職業，進軍時裝界！世界杯4年一次好耐？但不經不覺，好多球迷都同我一樣，已經睇左7屆世界杯了！仲有100日，俄羅斯世界杯開幕，大家準備好未？
YOU MAY LIKE
Esquire_Paper
Esquire Magazine
以優惠價訂閱一年雜誌，可獲贈精選訂閱禮品。
Subscribe
