2020不用打理的男士髮型,碧咸再次將陸軍裝Buzz Cut帶回時尚潮流
男士的髮型絕對是重點,但合適的髮型可能未必容易打理!作為男士髮型的潮流創造者,碧咸將Buzz Cut陸軍裝的髮型帶回時尚界,除了碧咸之外,其他荷里活型男型佬都示範了Buzz Cut陸軍裝髮型。
碧咸
無錯你若然你有碧咸般的有型靚仔外貌,你大概可以駕馭任何髮型。但是陸軍裝Buzz Cut髮型就最適合炎熱的夏天,如碧咸般有型的你自然可以駕馭此終極易打理的髮型。

碧咸的髮型一向都被示為參考的對象,其實早於2010年碧咸亦剪了buzz cut髮型,同樣令陸軍裝Buzz Cut流行起來,如今再次留有buzz cut髮型應該是因為非常容易打理的關係。

有其父必有其子,碧咸的長子Brooklyn Beckham無論在時尚的風格或是髮型的選擇,都跟碧咸十分相似, Brooklyn Beckham亦曾經留有Buzz Cut髮型,更散發強烈的街頭時尚。

亞洲人同樣可以carry buzz cut陸軍裝髮型,但輪廓不太深的男士就切忌剪得太短,2-3cm的buzz cut陸軍裝髮型就比較合適。若果有一對兜風耳就同樣較合適長一點的buzz cut髮型,當然加上留鬚就更型。

最流行的陸軍裝buzz cut就應該是faded buzz cut,英國歌手Zayn Malik就示範了faded buzz cut,兩則頭髮漸進式地剷至見青,此舉令buzz cut也有層次感!

對於銀髮型佬來說,陸軍裝buzz cut髮型絕對可以令男人的佬味更強,如時裝達人Nick Wooster的buzz cut髮型令他看起來更sharp,加上紋身實在有型。

Buzz Cut 陸軍裝可以剪得非常老土,亦可以剪得非常有型!而有沒有留鬚卻是成功與否的關鍵,看荷里活型男格雷先生Jamie Dornan以full beard襯buzz cut 陸軍裝,非常有男人味。

不少中佬都有甩頭髮地中海的問題,若然要鬼鬼祟祟將少得可憐的頭髮左搭右搭的話,倒不如乾脆來個陸軍裝buzz cut,但要剪得夠短!若果可以留少許鬍渣的話如Jason Statham就更man了。

Buzz cut陸軍裝髮型不一是只可以只有一種長度,荷里活型男Justin Timberlake示範了新款的buzz cut,左右兩則頭髮剷至見青,而上方頭髮留有大概1-1.5cm的長度,令髮型更有對比,猶如入伍軍人般有型。

以優惠價訂閱一年雜誌,可獲贈精選訂閱禮品。
Subscribe
