機械人，係大男孩嘅浪漫，無論你喺邊個年代成長，都總有幾套陪你長大嘅機械人卡通片。到底係乜乜萬能俠，又或者乜乜勇者，你今日可能已經唔係好記得，不過每次同朋友傾開，或者見到床下底嘅舊玩具，或者聽返熟悉嘅主題曲旋律，總會有一、兩幕經典嘅片段湧上心頭。趁仲有少少印象，一齊喚起呢份充滿熱血嘅回憶。