全新iPad Air、綠色iPhone 13、 iPhone SE及Mac Studio神級列陣，香港幾時有得賣？

如果之前未買iPhone 13系列嘅你，依家可能係好機會，因為iPhone 13系列又全新嘅綠色系列登場，當然因為機背物料唔同，iPhone 13 Pro系列就係松嶺綠色，而iPhone 13都係綠色，但質感就會唔同，售價不變，iPhone 13 Pro 的售價為 HK$8,499 起，iPhone 13 Pro Max 售價為 HK$9,399 起。而iPhone 13 的售價為 HK$6,799 起，iPhone 13 mini 售價為 HK$5,999 起。值得諗諗！3 月 11 日 (星期五) 晚上 9 時起，就可以預訂松嶺綠色的 iPhone 13 Pro 及 iPhone 13 Pro Max，以及綠色的 iPhone 13 及 iPhone 13 mini，並於 3 月 18 日 (星期五) 起開始發售！

而大家成日要iPhone有Touch ID，恨到啦，最新嘅iPhone SE仍然擁有Touch ID，但機能大提升，與iPhone 13系列睇齊擁有A15 Bionic晶片，更一樣有5G，而且係可以單手輕鬆操作嘅4.7吋屏幕，機能上你絕對當成係輕巧Touch ID版iPhone 13！

當然，iPhone SE作為「入門」機，就只有備有 1,200 萬像素及 ƒ/1.8 光圈單機背鏡頭，但如果對於廣角及遠攝不太講究，都絕對夠用，而且有齊HDR 4、Deep Fusion等相機系統，影片質素都提升咗！64GB都係HK$3,699咋，今個星期五已經可以預訂， 3月18日已經買得到！

相信大家都預計得到全新一代的iPad Air會登場，不過想像不到的是，竟然與iPad Pro看齊，內置超獨狂的M1晶片，處理能力相信大家都知道有口皆碑，比上代CPU快上60%，圖像處理能力快2倍，絕對可以成為瘋狂的怪獸！而iPad Air已經配備 10.9 吋 Liquid Retina 屏幕，一樣支援Apple Pencil 2以及Magic Keyboard，絕對夠玩，而且有深受大家熟悉及愛戴的 Touch ID 與 iPad Air 頂部按鈕結合，應該冇投訴？

全新iPad Air帶來五款顏色任揀，太空灰、星光色、粉紅色、紫色和全新藍色。

如果之前覺得iPad Pro價高而卻步，如今iPad Air的機能都已經追及，想入手絕對是時候，而且價錢平上一截，64GB都係HK$4,799起，值得諗諗，同樣係今個星期五已經可以預訂， 3月18日已經買得到！

MacBook上年已經出了大量新型號，今年輪到桌面型號發威，全新的Mac Studio連同最新最怪獸級的M1 Ultra晶片登場，仲有配備 A13 仿生晶片的 Studio Display 27 吋 5K 顯示器一齊配現身！到底M1 Ultra有幾勁，實在長篇大論都講唔完，可以提供 2.5TB/s 的低延遲處理器間頻寬，令單晶片系統 (SoC) 的效能表現大大提升，超越領先的多晶片互連技術頻寬 4 倍以上！以實例講，M1 Ultra晶片為Mac Studio帶來超恐怖的效能，就算是播放多達18段 8K ProRes 422 影片串流都沒有問題！

Mac Studio看表面的設計似是平平無奇，但由M1 Ultra驅動的Mac Studio，如果與配備 10 核心處理器、最快的 27 吋 iMac 相比，CPU 速度提升竟也可高達3.8倍，圖像處理效能提升最高可達 4.5 倍；轉換影片編碼的速度提升最高可達 12 倍，係12倍，對於各位剪片的人而言，這是可等的喜訊？

Mac Studio機仔細細，只長 7.7 吋，高度亦只有 3.7 吋，但作為桌面專業型號，可擴充性絕對不低，背面配備四個 Thunderbolt 4 連接埠，用於連接顯示器及高效能裝置，亦配備一個 10Gb Ethernet 連接埠、兩個 USB-A 連接埠、一個 HDMI 連接埠，以及一個適用於高阻抗耳筒或外置揚聲器的專業級音響插口，同時亦內置 Wi-Fi 6 及 藍牙 5.0！如此強勁機恣賣幾多錢？只係由HK$15,999 起咋，不過作為專業用家，當然係「打爆」佢喇！