擔心Face ID 出錯?其實無人可以係你入睡時偷開iPhone X

Esquire HK - Park Chan
  • 14 Sep 2017

Apple推出的iPhone X,擁有最新的Face ID解鎖技術,有傳言擔心女朋友會趁你睡著時用你個樣開機!到底真唔真?

Face ID的傳言,的確有好多,有說你女友化了妝,Face ID就認唔到,又有說,有人可以趁你睡著時,可以用你個樣解鎖;更有人質疑,如果有人整容整到好似樣,大家都係一號鼻二號咀,又會否出現被解鎖的危機呢?

有關以上的傳聞,唔知係大家講笑定認真啦,總之出現過好多好多的擔心!筆者作為親身見證真機的一份子,不如一次過解惑啦!

雖然iPhone X的發佈之時,的確在台上出現過失誤,認唔到樣要輸入密碼,原因不明,對此不作評論。而我們在體驗區超過一小時,玩過iPhone X很多次、亦多次親身見證職員解說時,利用Face ID解鎖。萬一是我拿起那未解鎖的iPhone X玩時,舉機一拉起,是必須輸入密碼的,而職員亦親身示範,就算舉起手機,他沒有正眼望著iPhone X,又或者是合上眼的話,iPhone是仍然不會自動解鎖的,所以這些「笑話」或傳言,都不是真確的,放心。

那麼到底化了妝,是否就不可以解鎖?或者極之相似的人,是否可以幫iPhone X解鎖?事實上,Face ID是透過機面頂部一系列TrueDepth鏡頭系統,來立體地閱讀你的臉孔數據,利用測繪點投射器發出超過30,000個隱形測繪點投射到臉部,然後用紅外線鏡頭讀取,再在A11 Bionic晶片內的secure enclave作對比,你的身份認證只會在裝置上即時進行,不經由雲端處理。 基本上,可以說是組合出一個你臉形極精細的立體地形圖,因此別人根本不可以用相片解鎖,因為唔立體,而且有無化妝都基本上不成問題,因為不會改變臉形、肌肉結構。而且A11 Bionic 晶片利用機器學習技術,以辨認你的外貌轉變,就算你換眼鏡、戴帽、生晒鬍鬚, iPhone X 都認到你。

喂,順帶一提,如果你真係咁擔心,唔好諗換機啦,不如換咗你個伴侶罷啦!

Loading...
YOU MAY LIKE
訂閱Esquire接收最新科技資訊
Sign up FOR ESQUIRE_PAPER NOW!!
下篇文章