Vespa、Honda、Harley Davidson電單車車主有型女騎士

Vespa我有四部，分別係et8、sprint150、gtv300、px200；有一部Honda ps250，仲有一部Harley Davidson fortyeight。我比較鍾意classic嘅車！

Vespa係一部好適合女性嘅車，一來車比較細，適合我地身形之餘，又好方便在路上穿插，都好方便泊位，而且好容易配襯任何類型嘅衫。如果唔駛成日上highway，其實150好夠，但如果要就最好300，咁架車會無咁飄。PX係二沖程車，鍾意古羊的話會好鍾意呢部，復古味濃，而且呢部車用腳「撻車」，可以唔用電。

我好鍾意運動，Honda ps250係一部好適合去大自然嘅電單車，入山及露營一流。

至於Harley Davidson當然就係有型啦，不過我會當佢係慢活假日車，weekend同朋友出去才揸，平日唔會揸。

Vespa ET 8係150cc，係我學牌揸到依家。

Vespa Sprint150，而gtv300大cc一點；px200是古董綿羊仔，用手波（手轉波速），現在的棍波電單車是用腳的。

Honda ps250雖然已經停產，但價錢一直升，是一部人氣一直高企的羊，馬力250cc。

Harley Davidson Fortyeight係棍波車，1200cc，是我擁有的電單車入面最大馬力的。

我十幾歲就開始想考電單車，不過家人及身邊的朋友都很反對，覺得很危險。大概8、9年前，在沒有跟任何人講嘅情況下，秘密地去考了個電單車牌。

香港的路兜來兜去，電單車很方便，可以避開塞車。

第一架係呢架，買唔到嘅車，圖中Cat Woman揸嘅呢架車，嘩！真係好有型！

另外，呢架老爺Vespa  Ape Model C都係我dream bike，佢係我朋友架車。

電單車最大的樂趣是很自由、無拘無束！跟私家車相比，電單車又方便又抵養。
最大麻煩係頭髮好癲，又大塵。如果嗰日打算要靚靚的話，又或者嗰日落雨，就不能駕駛電單車了。
 

我是過去三年Vespa意大利官方香港分區嘅會長......最初是朋友籌辦這個車會，我最初也不太喜歡車會，因為要跟不認識的人一起聚會。
後來發現，參加車會可以跟其他人一起去分享對電單車的認識，有甚麼不懂可以有人問，大家都很有愛的互相幫助，可以遇到志同道合的人，一齊出車，很愉快。所以，參加車會，是會讓人更加喜歡Vespa。