細So被商台解僱丨還你細SO都還不了大家聽903的青春

相信香港有很多年輕人都和我一樣，細細個都是每晚窩在被子入面，偷偷地聽903來渡過每一晚上，而且更加有一個夢想，「當903 DJ」！因為覺得903這班DJ總可以將夢想變成現實，而比佢哋發夢嘅地方係商台，大家都會在訪問中聽過，這些DJ會形容903是一個「木人堂」，逼使他們在有限的空間有無限的創意。這就是903才有獨特魅力。

在情竇初開的時候，叱咤903各個節目入面與愛情有關的item都絕對是十分熱門，而每個節目都各有特色，《架勢堂》入面的「你知道唔知道」就讓大家可以隔着大氣電波，與自己暗戀的人可以有一個表白的機會。

而由余迪偉、鄒凱光和阿BU主持的「一八七二遊花園」入面的「齋呵唔鬧」又是另一個風格，大家都知道余迪偉和灘叔有時候接聽眾來電火氣都幾大，而如果在「齋呵唔鬧」入面，大家只可以用溫柔體貼的話氣，解答大家的愛情問題，否則就會被罰款20元！

除了DJ們嘅獨特魅力之外，點解903咁受歡迎呢？個人覺得，係對廣東話同香港製作嘅尊重，大家都睇到903入面很多節目名都用咗「廣東話」，證明到呢個語言係香港入面，唔止用嚟講，仲可以用嚟寫，更加有佢無法取代嘅地位。另一樣嘢就係廣東歌，每年1月1號嘅叱咤樂壇流行榜頒獎典禮，支持廣東歌，支持本地樂壇，仲記唔記得2011年《那些年》拎叱咤都引起唔少討論，就係因為佢唔係廣東歌。

說到廣東話，怎可以不提起「笑談廣東話」呢？這個是「一個專門為自由行遊客而設嘅環節：《笑談廣東話》～」，用大家日常的廣東話，由利孝和同夫人演繹，「關你蛋治啊」、「你蝦我唔識雞腸呀？」，大家不妨補習一些地道的廣東話。

但森美移動現在只剩下森美，還能為你移動嗎？

［後記］突然發現，原來自己都漸漸沒有再去聽903了，不只是我們長大了，那些DJ都長大了，時代也長大，大家有了Youtube、有了Netflix、903對聽眾們又剩下甚麼？可能只留下昔日的情懷了。