《無制限探險隊》咖喱黃雅慧｜性感泳衣黃金畫面之外更有大量令人欣賞的表現

「Mike導」劉諾衡的節目《無制限探險隊》直赴非洲拍攝，帶上「小薯茄」程人富、P1X3L成員Marco及《全民造星4》的「咖喱」黃雅慧（Kelly）一同出發，兼任隊醫與唯一女藝人擔當，但咖喱卻絕不是花瓶角色，反而在重要時刻表現出淡定勇敢的表現，令人驚喜！

例如節目中有一集是Mike導自薦參加真人避彈衣試驗，但取走防彈板後子彈竟穿過避彈衣傷及Mike導，當眾人都處於驚恐狀態下，咖喱即發揮醫生角色，淡定幫手洗傷口及縫針，表現當然專業，亦同時顯示出她那知性又勇敢的一面。

在另一集之中，非洲有人會將一種當地昆蟲搖蚊製成食物，Mike導食到作嘔，程人富食到想死，但是咖喱卻一啖放入口，不會尖叫，面無懼色，死未！以上的表現都令大家對咖喱另眼相看，收到不少激讚！

《無制限探險隊》咖喱成功登上非洲最高峰後，心情極激動咁講咗一段說話，令到唔少人都話非常感動！
「無論我做乜，都有好多人同我講，做唔到㗎。我以前好肥嘅時候，啲人就會同我講，你都冇自制力，你唔會減到肥！當我參加《造星》，啲人就話：你唔好發明星夢啦，努力做個公家醫生咪好囉！到我做醫美醫生，啲人又話：做醫美都唔係醫生！然後我話要去Kilimanjaro，啲人又話，你都冇Train開，你都唔得！

點解我要行呢一座山？我覺得所有嘢都應該由我自己試咗，試完之後先話自己做唔到，要自己學習努力、學習放棄，而唔係盲目聽人講。因為唔做嘅話，根本冇人知道結果係點，或者你喺當中會得到啲咩，可能我呢一刻都係登唔到頂，但至少我覺得自己有得着，同埋而家睇到好靚嘅日出！

我想知自己究竟可以去到幾多，同埋我覺得，我就係要有呢一種衝動，因為我唔想喺呢個社會營營役役，我唔想喺呢個社會營營役役，冇咗自己嘅童真同衝動！所以我堅持做我想做嘅嘢，然後我做到啦！」

而在第14集主題「拍咗唔好嘥」之中，咖喱泳衣的性感黃金畫面瘋狂出現，令不少網民都「嘩嘩」聲！

「咖喱」在泳池邊，穿上bikini剖白心情，自然又不造作，從而表現出性感的一面。

雖然咖喱未能成功在《造星》成為一位歌手，但在這節目中，卻可以完全表現出不一樣的自己！

所以Mike導絕對有一手，用《美女郊遊遊》，令兩位Shirley人氣急升；又利用《ERROR自肥企画》令保錡翻生，今回《無制限探險隊》之中，可說是為咖喱帶來一個最好的人氣急升機會！

咖喱今年才29歲，本來為屯門急症室醫生，為了參加《全民造星》，竟然辭工，雖然未能打進十強，於40強止步出局，但她仍然沒有放棄，繼續自己的藝人夢，所以兼職醫療美容機構的醫生，希望可以有時間有空間去追夢！

如果你仍未follow 咖喱IG，就記得follow返喇！