FIFA系列一玩就30年，到底勾起中佬們多少回憶？

《FIFA 98》被喻為FIFA 系列最出色的作品之一，淨係聽配樂已勾起了不少男士的集體回憶。FIFA98 流暢度顯然有很大進步，而球員的外型也開始有個人特色。這一集的FIFA 最令人讚嘆的是其驚人的Database，玩家可以用超過150個國家由外圍賽開始打起，然後進入法國世界盃的決賽週。當年筆者就試過利用香港隊，希望能打入世界盃決賽週，但最後都無法成功。 

自己整自己出嚟

可能每位球迷都會幻想自己能成為職業足球員，成為歐洲頂級聯賽的球員，我諗唔少FIFA玩家都曾經和筆者一樣無聊，在遊戲中create自己出嚟。食飽飯無野做的話，更試過整埋自己的朋友，組成一隊踢League。遊戲就是讓我們沉醉在自己的世界內，一旦你的朋友來你家中玩，發現你自製了他們後，便會不滿自己的速度為何這麼慢，樣貌為何這麼醜！

無聊時會做的行為 

就算幾好玩，都會有玩到悶的一天。唔少玩家都會發揮自己的小宇宙，無聊事認真做。早年的FIFA是可以剷龍門的，雖然最後會紅牌出場，但那種快感確實非筆墨能形容。當然有時被對手故意拖時間，老羞成怒下怒剷對手。有人無聊時會不停練習各種花式，有人會不停擺烏龍，有人會自己edit 個好高同好矮嘅人出嚟恥笑一番，大家仲記得做過什麼更無聊的事情呢？ 

你仲會Online 同朋友玩嗎？

筆者都好多年沒有online 同人打FIFA，但從朋友口中得知，Online 玩永遠係發火多過樂趣。有時技術問題會令畫面狂lag，十分無癮。最怕遇到一些唔服輸的玩家，玩玩下quit game、故意拖時間、放棄狀態狂擺烏龍等等。始終每個人打機的心態都唔同，有人好認真，有人當發洩，有人為了攞威，在網絡的世界，真係咩人都有，好難夾嘅！

你有過檔過Winning嗎？

最近在網上看見一些爭論，就是說不少人背棄了Winning 去玩FIFA。作為中年男士的我，卻是先玩FIFA，中途過檔Winning，到近幾年才重回FIFA的懷抱。FIFA自2000年打後確實表現失色，足球遊戲最重要的始終是落場嗰下的感覺，現在Winning 跟FIFA 玩法上十分接近，但在十幾年前，看著個波永遠痴實球員隻腳，球員跑動如蹓冰，比賽時似玩花式多於踢足球時，就算個package有幾好，都無法接受。時移勢易，近年兩隻遊戲玩法愈來愈接近時，始終還是有大量聯賽授權的FIFA更吸引，而最重要是可以用愛隊布力般流浪由低組別打返上英超來填補心靈上的創傷啊！
女士們，今年是2018年，但新出的是FIFA19，千其唔好買錯呀！！