【鄒凱光專欄】經濟心情都低迷，萬聖節或者都要轉化一下！

所以大家唔出來玩個真相，並唔係怕無車返屋企，只不過當今出一次街，身心要承受咁大壓力，所以如果感覺唔係超好玩的東西，又點引到大家出動？!

再加上「萬聖節」從來都不是懶付出為本的香港人所愛，若天下太平，你扮埋俾我睇，我還可以過來襯熱鬧食下花生，你要我冒住被告「蒙面法」的危險，來扮鬼扮馬，我當然拒絕，就算你現場提供化妝，打扮，精打細算的香港人，還是會計算自己要親自到場，然後送俾人搞自己的成本，點計都係蝕，最蝕係做完放相呃唔到like，隨時仲俾人鬧「仲有心機去玩！」

香港人現今出外的娛樂，除了上街外，就是去「懲罰」不同的「正義小店」，現在可以放心放的「食飯相」，都來自這些小店，又或者呢期流行嘅「重慶大廈咖哩」，中環夜店如果想生存，也可能要表明立場，又或者曾開放免費招呼年輕人入場relax，香港人至會幫襯！

又或者夜店再付出多一點，老闆，員工們成為model，任由客人發揮去裝扮，變相俾機會客人渲洩一下，但重點唔駛搞到自己，然後店主聘請幾個有專業水準打扮的model混入其中！

Model造型全都是當今炙手可熱的人物，客人感覺似在長洲睇「飄色巡遊」，但睇「飄色」要日曬雨淋，睇萬聖節扮鬼可以飲住酒舒舒服咁睇，當中仲可能有自己的作品，隨時會叫多幾個親朋來參觀，又多幾單生意！

就算萬聖節當日生意一般，就當作是宣傳往後個個星期搞的「本周最值得遊街示眾造型選秀」，提供與時共進的另類娛樂，可能是新時代的一條血路！

足球的最雛形是來自中國的「蹴鞠」，是一種戰國時用來為軍人強身健體的運動，後來被推廣成其中一項娛樂民眾活動，起初民眾對這種兩大帮人，追趕一個小籐球的活動興趣一般，但當運動變成定時演出，人民慢慢接受及學會欣賞及享受這項活動，如果沒有進化演變，「蹴鞠」點會變成現在影響全世界的「足球運動」？

最壞的年代，才是孕育最經典娛樂的好時年。