【鄒凱光專欄】 「你無衰嘢,怕咩俾人睇你手機」係咩道理?

Esquire HK - 鄒凱光
  • 15 Apr 2018

你可不可以讓你的另一半隨便翻閱你的手機?你的另一半又會隨便這麼做嗎?背後,到底是信任或是懷疑?

「你無衰嘢,怕咩俾人睇你手機」是大道理嗎?灘叔為你分析一下!

【鄒凱光專欄】 「你無衰嘢,怕咩俾人睇你手機」

對某些人來講,「私隱」就等同唔見得光的事


「你無衰嘢,怕咩俾人睇你手機」

這番話其實頗有道理,所以我會經常反問偷睇男友,老公手機的女士們,妳對胸應該都無衰嘢,係咪又唔怕由任人打開來睇呢?

【鄒凱光專欄】 「你無衰嘢,怕咩俾人睇你手機」

我知我咁講有點野蠻,但我確實痛恨偷睇人家「私隱」的人, 但同時我又覺得此舉動乃人之常情,好難避免,所以與其浪費時間去聲討人家偷睇你「私隱」,不如爭取時間去做好「私隱」防此被揭的措施!

【鄒凱光專欄】 「你無衰嘢,怕咩俾人睇你手機」係咩道理?

而由於我認同「私隱」就是唔見得光的事,所以我的方法就是把所有事都公開見光,我嘅所有衰嘢都會毫無保留全天侯盡露於你面前,你偷睇我的東西,不及我真人衰,所以你絕不會偷睇到我暗中和其他人短訊互flirt,因為我會當你面就同另一人flirt,我亦都會兜口兜面係妳面前睇色情網頁、上社交網約炮、失控網購、喪賭波賭馬、下流淫賤同朋友傾(目及)女、粗言穢語辱罵下屬、公開和妳討論如何搞妳的「驚喜生日會」……

我就坦蕩蕩讓妳知道,一個沒私隱,沒有唔見得光嘅人,其實對妳的滋擾更大,終有一日妳會忍唔住開聲:「你俾吓面好喎,你係做都唔好俾我知吖!」

【鄒凱光專欄】 「你無衰嘢,怕咩俾人睇你手機」

唔好俾妳知,不過要俾妳發現,但如果妳都知道晒,妳仲有什麼可發現?所有都係「妳知㗎!」!

以上行為只要你持之以恆,妳身邊果個偷睇你私隱,揭發你衰嘢嘅能力就會慢慢退化,直至消失,到時你電話同電腦又可以放番「私隱」入去,再無人有興趣偷睇!唔信你咪試吓!

我有個朋友就係採用我這個方法,令到從前多疑的女友,現在一眼都無望過佢手機,朋友好感謝我之餘,同時明白到一個道理 「你夠膽對女人坦白,其實相處就會好容易」,我一直對呢個方法好有信心亦引以為傲,直至前幾晚我同呢位朋友短訊傾偈……

【鄒凱光專欄】 「你無衰嘢,怕咩俾人睇你手機

話說我撞到從前一位好迷戀的女子,我影了相發給朋友,內容當然離不開取笑女子今非昔比,「當年萬人迷,如今殘過泥」,而作為男人之間的對話,朋友當然會問我:「今時今日佢撩你搞番轉,你硬唔硬到?」

我亦以我一貫風格回覆:「梗係硬到啦……如果食咗半樽偉哥!」

朋友突然認真地追問:「你要食偉哥喇?」

「係呀!我懷疑我唔掂,不如你搵條女俾我試吓吖!」

明明是兩個阿叔無聊膠吹,消磨時間,我滿以為朋友會回覆:「女我就冇,男仔同狗你試唔試吓吖?」之類無聊話,點知朋友轉了個認真mode:「Nicole(朋友女友)話有隻中藥可以醫到性無能,佢有朋友老公試過硬得番!」

【鄒凱光專欄】 「你無衰嘢,怕咩俾人睇你手機」

我起初還以為朋友整蠱我,點知轉頭直情收到其女友Nicole發來的口訊安慰我,講到科學倡明,性無能一定有得醫,叫我唔好放棄,還好有心咁話留咗個閏蜜介紹俾我!我立刻打電話俾朋友問佢玩乜?點解我們的私聊其女友會知道,朋友說:「用你個方法嘛,無私隱坦誠話晒佢知吖嘛,所以我哋一齊睇,一齊覆Message㗎!」

「你對佢無私隱啫,但你講緊果d係我同你之間嘅私隱,你有諗過我唔想俾人知呀!?」

此時電話另一邊傳來其女友的聲音:「你唔好咁燥啦!都話性無能一定醫得番囉,你發我baby脾氣做咩啫!」,我方才醒起佢哋用speaker一齊聽電話!

【鄒凱光專欄】 「你無衰嘢,怕咩俾人睇你手機」係咩道理?

我朋友不但對女友無底綫全天侯坦白,佢就連其他人同佢講嘅所有嘢,都同步與女友分享!朋友還沾沾自喜,說這是我方法的2.0,天呀!但更恐佈的是,我將呢件事同其他人講,竟然半數以上回覆 :「好多人都係咁㗎啦!」,有四份一竟然話:「其實都無乜問題吖!」,另外四份一就直情係會員:「我哋都係咁㗎!」


乜真係可以兩個人共享一切,沒個人秘密、私隱嘅咩?

Loading...
YOU MAY LIKE
訂閱Esquire接收最新男士資訊及禮遇
Sign up FOR ESQUIRE_PAPER NOW!!
下篇文章