Louis Vuitton首個男裝早秋系列大玩渡假風！造型照在香港取景並於4月25號第一波發售！

由將星光大道變做夏威夷海灘，到天橋上的服飾設計，可以睇到航海同渡假嘅元素貫穿整個時裝騷。

時裝騷講述一個商務人士需要在假期之間往返城市與夏威夷海灘嘅情景。一開始大量出現了水手服同埋西裝設計，除咗代表了航海業在過往到現在一直聯繫世界，亦代表著商務人士前往海灘的過程，由繁重慢慢效鬆、享受假期的心情，所以不論是西裝內搭T恤，還是頭帶著超輕量嘅太陽眼鏡，均展示出旅人期待假期的寫意心情。

到時裝騷後段，場景便轉到夏威夷海灘之上，夏威夷印花圖案被應用到多套造型之上，西裝套裝、短袖恤衫、短褲同旅行袋都添加了一層熱帶隨性同熱情奔放，令人充滿活力。

Louis Vuitton早秋系列當然有不少玩味單品，除了騷前不少嘉賓已經得到嘅3D打印涼鞋之外，一系列渡假必備單品包括衝浪衣、衝浪板，與配有LV Monogram肩帶嘅夏威夷結他已經夠搶眼。同一時間，早秋系列則都以水手作為主題，用水手帽貫穿整個主題，不論

而手袋方面，Speedy繼續成為焦點單品，將Monogram、Damier都加入咗航海與滑浪元素，再配以皮革與牛仔布互相配搭，並以珍珠吊墜拉鏈作為點綴。當中Keepall 25更加以人手繡上貝殼，絕對係細節滿滿。

Louis Vuitton剛剛發布咗男裝早秋系列嘅造型照，選址香港天星小輪，將整個系列同香港環環相扣，而第一波發售會喺4月25號開始！