我們不是萬能，因此在擅長的角色上更應毫無保留地發揮

跑得慢便將勤補拙，提升自己的洞察力

出色的右閘通常都是能攻擅守，擁有飛快的速度確實有助發揮。被選為英超成立以來最佳的後衛加利尼維爾，被本地評述員王興桂批評佢「跑得慢、無速度、唔夠快」。無論技術同速度，都唔係加利仔的強項，但既然不能改變缺點，不如將勤補拙，以其他的優勢去彌補不足。加利仔的閱讀球賽能力很強，助攻助守的時機非常準確，縰然你唔會見到加利仔快放100米，也不會見到佢插幾下花再殺入禁區，但加利仔總會在合適的時間出現，與碧咸來一個教科書式的疊瓦進攻，最後傳俾約基高爾破網。

如果大家有睇外國的足球直播，加利仔擅長超仔細的戰術分式，球迷睇得津津樂道，亦可見加利仔對足球的熱誠和努力。加利仔沒有太高的天份，但他很清楚自己的角色與定位，多年來默默耕耘，他在曼聯立下的汗馬功勞正好就是告訴大家，如果無法改變一些缺點，就要努力把自己的優點蓋過缺點。

運球無法穿越對手，就練成超準繩七旋斬

球迷都享受欣賞球星的腳法，在中場連過幾關再來一個致命的遠射或傳送，確實令人睇得如痴如醉。如果以一腳準繩的傳球或射門都能達到同樣效果，是否更加直接呢？不喜歡碧咸的球迷總會嘲笑他無速度也無過人技術，完全稱不上是世界級。但論貢獻和效率，碧咸一定是世界上最高效的右中場之一。

碧咸很清楚足球的規則，也懶理外間的批評，努力地練好七旋斬的絕技。當年大家會介意碧咸唔夠全面，但今日英格蘭球迷就總會懷念佢一針見血的傳送與射門，絕對是無法取代。做人就是這樣，如果碧咸走去苦練技術與速度，最終可能只會高不成低不就，因此還是認清自己角色最重要。當你在某崗位上能發揮得淋漓盡致，別人又怎會理你其他的小缺點。

無法做雙槍將就努力成為最強的單蹄馬

雙槍將當然會較單蹄馬吃香，但有時好多基本功都要由細開始訓練，而且天份都好緊要。不過如果好似馬勒當拿咁，任何位置都可以用左腳射門和傳中，右腳生蟲也不是太大問題。洛賓也是其中一位用死左腳的球員，右腳間中用來傳中問題不大，但講到數糊絕大部份都係用左腳。洛賓沒有刻意苦練成雙槍將，反而憑著愈來愈煞食的左腳，變成越來越屈機的「洛賓的軌跡」。

每個人都總會有缺點，這些缺點往往成為事業上的絆腳石。有人刻意去改變，希望自己變得完美。但做人又邊度有咁完美，就係因為我地唔係樣樣事都做得好，所以更加要緊記，在自己出色的事情上，毫無保留地發揮。