【男人的浪漫】男人睇波可以睇到喊的經典場景

94
年巴治奧射失12
碼一刻

94年世界杯，巴西有夢幻組合白必圖同羅馬里奧，而意大利就有神奇小馬尾巴治奧壓陣，決賽鬥足120分鐘都係0:0，要用12 碼分勝負。12 碼本身已經好殘酷，見到自己愛隊落敗更加難受，但最令人心痛的是親眼見到最鍾意的球星射失而落敗。在球場上，精神領袖永遠背負最大壓力，稍一犯錯就會被無限放大。23年前，大家捱眼訓睇波睇通宵，但結果竟是巴治奧射失12碼而落敗，現在重溫這個畫面都仍有點心酸，難怪當年睇波睇到喊。

巴西伯伯的絕望眼神

2014年世界杯，主辦國巴西以1:7不敵德國，球場上一片愁雲慘霧，而睇波時電視鏡頭也不時捕捉雙方球迷的動態。其中一個鏡頭，影著一位抱著世界杯的伯伯，露出絕望的眼神，這個畫面震懾了電視機前的每一個球迷。此後，各大傳媒及網民都不斷搜尋這位伯伯的資料，得知他多年來都跟著巴西隊前往世界各地打氣，在該場比賽後他温柔地把世界杯送給一位德國小球迷。可惜大家已再冇機會睇波時在電視上看見這位和藹可親的伯伯了，因他在2015年已不敵癌魔病逝。

年輕的眼淚流光了－C
朗拿度

好多時睇波睇到人喊自己都想喊，2004年葡萄牙在歐國杯決賽爆冷不敵希臘，當時20歲未夠的C朗完場後喊到豬頭。雖然筆者當年都好希望希臘能締造神話，再加上C朗當年年少氣盛，場內場外的行為並不討好，不過看見這位年輕人哭成淚人，都好難避免被他的真性情所打動。

施丹最後一役

施丹退休前的最後戰役就係2006年世界杯。法國自1998年及2000年奪得世界杯及歐國杯後，表現一直跌Watt，當大家都唔睇好法國可以取得佳績時，施丹在最後的戰役帶領法國過五關斬六將，殺入決賽與意大利爭冠。法國憑施丹先開紀錄，當球迷期待這位法國球王能一箭定江山，為自己的生涯畫上完美句號，但結局卻不如人意。雙方戰至加時，鏡頭一轉字幕顯示出施丹被紅牌趕出場，而最後法國更在射輸12碼，施丹也無緣再捧走世界杯。11年前睇波大家睇直播，見到施丹用頭撞人睇得好過癮，但今時今日回看當年睇波時見到施丹與世界杯擦身而過的畫面，確實令人唏噓。

基維爾－續命梟雄

2010年世界杯一場戲碼普通的分組賽賽事，出現了一個哀傷的畫面。曾效力列斯及利物浦的澳洲球星基維爾在自己禁區被對手的抽射省中手臂，球證即時判罰12碼及出示紅牌。在球場上犯規輸波本是一件平常事，但對主角基維爾來說是一個悲劇的結局。基維爾在世界杯前被驗出染上怪病，醫生當時還要他即時結束球員生涯，否則只有十年壽命。對球迷來說這個消息來得太突然，而基維爾也知道2010年世界杯好可能是他人生最最後一個最重要的比賽，但卻在分組賽第二場時因紅牌出場而提早結束。最後澳洲分組賽出局，基維爾的世界杯生涯也畫上句號。無論你是否基維爾的支持者，但當睇波時你望著一個患病的球員很想努力去完成心願卻天意弄人的時候，大家都會感到難過。可幸的是，基維爾現在的病情得到控制，現在還走上教練的路途，繼續在球場上發亮。

卡斯拿斯

除了場內，有些場外睇波畫面都令人睇到想喊。效力皇馬多年的卡斯拿斯，兩年前傳被皇馬管理層逼走。在記者會上，這位球場硬漢子忍不住留下英雄淚，雖然受了很多委屈，但仍然逐一多謝皇馬每一位職球員對他的支持。這一幕就算你是否皇馬的球迷，望著卡斯拿斯的眼淚，自己都忍不住喊埋一份。

謝拉特－世紀跣腳

利物浦努力多年都未能一嘗英超冠軍滋味，在2014年終於找到一個最接近冠軍的機會。紅軍的精神領袖多年來忠心不二，在聯賽冠軍直路上竟然犯下一個嚴重錯誤，令奪標形勢180度轉變。其他球員累輸波球迷一定會鬧爆，但大家見到這位紅軍忠臣失誤，就另有一翻滋味。無論你是利物浦球迷或是花生友，睇波看到這一幕一定會感到心酸。在成敗論英雄的足球場上，能力愈大，責任愈大，壓力就自然更大。男人的眼淚不易流，但每一滴因睇波而流的眼淚都是一個沉重的故事。