獨角獸高達登陸新宿VR Zone

Benjamin To
  • 29 Sep 2017

高達迷期待已久嘅獨角獸高達早前終於台場開幕,不過由新宿去台場,一來一回都冇咗成個鐘,想快啲可以點搞?唔使擔心,因為獨角獸高達已經飛到去新宿。

01

為了配合台場獨角獸高達開幕,位於新宿嘅VR Zone最近亦推出相應嘅VR遊戲,將早前體驗台場RX-78高達嘅VR裝置,新增獨角獸高達嘅體驗項目。玩家戴上VR裝置後,將會置身台場獨角獸高達展場,更會突然遇上新安洲嘅來襲,並乘上獨角獸高達嘅手掌,與敵人於半空展開激烈對戰。

除咗高達項目外,VR Zone仲有其他人氣遊戲,包括瑪莉奧賽車、龍珠Z、新世紀福音戰士等,一個人玩夠刺激,一班Friends去切磋下亦得,而且仲不時會有好似獨角獸高達呢煙嘅期間限定遊戲推出。

除咗動漫類型嘅遊戲,仲有好似跳降傘、高空行獨木橋之類的體驗型遊戲,如果想進一步尋求刺激,呢款脫出病棟Ω就啱晒你,玩家將置身荒廢嘅病棟,扮演乘坐輪椅嘅病人,一邊要避開殺人護士嘅追殺,另一邊要展開心驚膽跳嘅大逃亡,真係嚇到個心都離一離。

VR Zone內嘅遊戲項目總共分為四類,以紅黃藍綠四色區分,基本票4000円可以每個項目選一個遊戲玩,亦可獨立遊戲付費參加。至於買飛方面,雖然有提供現場即買即玩,不過建議想玩人氣或期間限定遊戲如獨角獸高達,最好先到官網預約。

Loading...
YOU MAY LIKE
訂閱Esquire接收最新男士生活資訊
Sign up FOR ESQUIRE_PAPER NOW!!
下篇文章