【葉浩文專欄】放工,總係要出嚟飲杯嘢

Esquire HK - Kirk Yip
  • 8 May 2017

放工,總係要出嚟飲杯嘢。

Happy Hour之所以叫Happy Hour,係因為一日辛勞工作之後,至少有一個鐘透透氣!但飲杯嘢,點止咁簡單。

「Kirk,單deal佢哋3年前10倍PE都唔洗入, 啱啱聽到, 有間中資行成25倍PE接咗,你點睇?似乎後面有啲嘢喎,一陣收工落去飲野傾?」

 

「樓上trading floor個MD好似俾人炒左,我見佢尋日收工之後,捧住個大紙箱走。」 啱啱斟咗杯水,正想離開pantry, 俾同floor唔同team的同事L用攝攝聲叫住,再用眼神問我:「喂,兄弟,有無收到風?」

 

以上情境對話,金融界朋友大概會覺得似曾相識,而兩個故事後來的發展,都是向著同一個方向,就是放工之後「飲杯野」,吹下水,收下風。

一直認為,做金融投資並非乜嘢Rocket Science, 純粹係以人為本。所以,要在這行做得好,Human Skill同識得溝通係好重要。或者你會話吹水有幾難? 唔難,但吹得動聽又得人鍾意的,就唔係人人得,而如果你有這種技能, 就唔好埋沒天份,做金融分分鐘會有唔錯成就。

 

講到金融行業最熱門飲嘢吹水地, 我會話係中環交易廣場底層的Liberty,距離鄰近IFC商場幾步路,正門面向渣打的玻璃金字塔,平日俟晚六點過後,餐廳的開放式酒吧,連同前面的空地,往往過百人拿著酒樽一起吹水,都可以話係中環一個特色景象。

 

喺Liberty,你不時會遇上資深banker,律師或者上咗岸嘅前輩,想聽市况分析,或收風都係最好不過。 唔好以為只有市好,這裡才會多人,今年初幾間大行先後裁員, 仍然有好多人唔使返工, 輸人唔輸陣咁西裝骨骨,精神奕奕來出來吹水。何解?

當今世界,想搵工, 唔可以守株待兔,要to see and to be seen,與其等head hunter報料,不如在這裡見人。

飲嘢地方是否重要?答案絕對是,若然無要求,倒不如求其經過Seven買樽Corona,生活就是要有自己的格調。有陣時幻想,如果香港都有套類似Margin Call的金融電影, 除了要找古天樂演之外,其中一個場景,應該要來這裡拍才神似。

 

寫到這裡,想起自從開始飛行生涯之後,已經少出來中環飲野,我有時會懷念,這一種中環人獨有的樂趣。

朋友,有興趣飲杯嘢嗎?

Loading...
YOU MAY LIKE
訂閱Esquire接收最新男士資訊及禮遇
Sign up FOR ESQUIRE_PAPER NOW!!
下篇文章