你需要唔需要？實測Mini Countryman輔助泊車系統

自動泊車輔助系統在全球，包括香港，已經推出好幾年，不少品牌的汽車都有這項功能。但為何唔識泊車的人多的是，而這項功能卻仍未得以普及？始終香港路面情況複雜，自動泊車輔助系統又未到完美階段，限制多多。不過，如果真係符合到自動泊車輔助系統對路面情況的要求，其自動入位、扭軚簡直完美。這次找來香港人極愛，又極符合香港人需要的第二代Mini Countryman，來測試這個功能，就是要告訴大家，係時候認識一下這個功能，唔好怕醜，唔識泊車就靜靜雞開啟這個功能，反正車外望返入黎，無人知道的，還以為你泊得一手好車！對最愛懶叻的香港人而言，這功能讓你扮泊車好手，上、中、下路，我敢話係毫無破綻！