【葉浩文專欄】我講嘢有口音,但我做得嘢,你Buy唔Buy?

Esquire HK - Kirk Yip
  • 30 May 2019

最近陳偉霆拍咗一個廣告,網上出街之後,唔少人留言話佢口音唔正,唔明點解CHANEL要搵佢拍廣告云云,姑且唔評論呢個廣告嘅效果同手法,但喺「口音」呢個問題上,我只想問一句:「口音係咪真係咁重要?」

撇除教師、主播、同語言相關嘅工作,好多時出黎做嘢、請人,口音永遠唔係考

撇除教師、主播、同語言相關嘅工作,好多時出黎做嘢、請人,口音永遠唔係考量嘅重點,能力先係最重要。好似我自己嘅工作環境,不時要用普通話演講,喺台灣、新加坡、大陸等等地方,同客人傾生意,自認普通話唔算好,口音亦都好重,但就從來冇人介意過我嘅口音,而我亦相信我嘅客人對我嘅信任,係來自我嘅能力,而並非口音。團隊內亦有來自五湖四海嘅同事,英文、普通話、廣東話,冇人樣樣都講得正,只要能夠溝通、邏輯冇問題就已經足夠。但反觀喺網絡世界,每當有人口音唔好,講得唔正,大家會9秒9咁出黎恥笑;背後嘅心態、原因,實在令人費解。

前幾日去到英國,到賓利車廠參觀,見到佢地嘅團隊有唔少歐洲各個國家

前幾日去到英國,到賓利車廠參觀,見到佢地嘅團隊有唔少歐洲各個國家嘅人種,佢地嘅口音亦參差,對香港人黎講甚至可能不堪入耳,但佢地工作上冇問題,技術亦屬世界頂尖。正如我之前所講,能力絕對比口音來得重要。返黎陳偉霆呢件事,CHANEL睇中嘅,係陳偉霆身上嘅商業價值,以及佢對自己商品有正面嘅宣傳價值,口音對一個國際品牌黎講,從來唔係佢地會考量嘅問題。

但撇開呢個個案,回到職場上,如果要喺工作上取得成功,最重要嘅都係將

但撇開呢個個案,回到職場上,如果要喺工作上取得成功,最重要嘅都係將自己嘅價值儘量放大,用自己能力去幫助公司團隊,唔應該擔心呢啲小缺點,口音就係其中一種。而且比起改進口音,相信繼續進修自己,令自己喺工作上更得心應手來得更有價值。如果你係老闆,都唔希望因為一個小問題,而錯失一個重要人才。

我諗我地亦都唔應該被小小嘅缺點,就否定一個人嘅核心價值,應該更寬

我諗我地亦都唔應該被小小嘅缺點,就否定一個人嘅核心價值,應該更寬容去接納其他人,因為如果每個人都淨係睇到其他人嘅缺點而唔係優點,相信冇人會覺得開心,亦太過負面,唔係話要一面唱好,但太過於雞蛋裏挑骨頭,反而會因小失大,錯過好多美好嘅事。

Loading...
YOU MAY LIKE
訂閱Esquire接收最新男士生活資訊
Sign up FOR ESQUIRE_PAPER NOW!!
下篇文章