【葉浩文專欄】2020年預測！經濟真係會咁差？ 香港股市有冇運行？

自從2018年中美貿易戰開始，其實美股已經升左好多，大多利好消息都已經反映了；所以即使明年初中美簽署初步協議，我預期對美股嘅影響唔會太大。

加上明年係美國大選年，股市相對冇咁穩定； 加上市場預期今年美國息口下調空間不大， 2020年美股上升動力應該不如過往。反之如中美簽署首階段協議， 將會有助緩和投資者對中國經濟放緩的擔憂，中港股市會因此受惠。

五個字：「風水輪流轉」！

雖然以美國為首嘅發達國家已經跑贏幾年， 但不少大行及研究機構預測新興市場在未來幾增長會跑贏發達國家； 資金流向一向與經濟增長成正比，所以在2020年相信資金將會流返新興市場， 當中為首的中國股市亦會因此受惠。

明年港股走勢， 我預期上下半年會有兩個不同局面。 2020年上半年走勢我會預測係「箱型震盪」，即是有波幅冇升幅，係個箱入面起起跌跌。 受今年政治運動影響，2020年上半年香港經濟會出現較明顯的負面影響， 裁員、失業率上升、 旅遊零售業收入繼續下跌 等問題將會更趨明顯；

同時中國大陸結構性通脹仍然存在，影響中央放水政策力度。 因此我對明年上半年港股走勢不太看好。

但到了下半年， 港股有機會為大家帶來驚喜。香港股市表現於過去兩年落後世界主要市場及多種資產， 所以現階段港股估值已經非常之低，特別是以AH股差價（香港上市中資股在兩地之差價） 最為明顯， H股之平，是多年少見。

而第一第二條題的答案，亦是看好的原因，中美貿易戰初步協議利好，資金流回新興市場，中國市場受惠連帶港股亦都受惠。 因此明年下半年， 港股有機會在國內及海外資金雙方合力推動下為投資者帶來驚喜。

可以留意四大類：科技型製造業、科技含量的醫藥股、新能源汽車相關以及低市盈率高股息的藍籌股。其中科技股睇好5G帶動嘅全產業鏈。

醫藥股嘅行業市場集中度越來越高，龍頭企業有明顯優勢。汽車行業庫存位於底部，換車潮加上新購潮，有助改善股價。藍籌股立足於全球低利率環境下，可以考慮金融、地產、傳統行業龍頭嘅低市盈率高股息嘅股票。

（以上評論為作者個人意見，並不代表本網站立場。投資者須注意投資涉及風險，價格可升可跌甚至變成毫無價值。投資者在作出任何投資決定前，應詳細閱讀有關之風險披露聲明及相關文件。）