【葉浩文專欄】做爸爸後才發現兒歌頻道Cocomelon背後商機與吸金能力!

Esquire HK - Kirk Yip
  • 25 Aug 2020

自從做咗爸爸之後,我的生活可以話唔同囇,連睇事物的角度亦唔同咗,以前留意語唔到的事,都因為個仔而望多眼。早幾個月,我就講過原來奶粉行業有幾好景,香港上市的一隻奶粉龍頭股,過去一年,股價由唔夠8蚊升到最高16蚊,氣勢同近來炒到飛天的科技股不相上下。

【葉浩文專欄】做爸爸後才發現兒歌頻道Cocomelon背後商機與吸金能力!

最近吸引到我的,是屋企由早播到晚的兒歌頻道Cocomelon。如果你係爸爸,個仔又得幾歲,好大機會知道係咩,但你未必知佢有幾勁,佢係全世界最多人睇的兒童Youtube頻道,2020年全球第3最多人Subscribe的頻道,總訂閱數9,100萬 ,較多港人熟悉的韓國女子組合Blackpink,總訂閱數4400萬都係排第17位咋。

【葉浩文專欄】做爸爸後才發現兒歌頻道Cocomelon背後商機與吸金能力!

睇多幾個數字:Cocomelon平均每日1億4300萬次收看,差不多每個鐘頭600萬,每秒就已經有1,700人睇緊。大部分影片瀏覽次數超過5億以上,而當中最紅的,例如我個仔最鍾意的「Wheels on the bus」,同「Yes yes vegetables」,2018年5月至今已經有18億及28億次觀看。

【葉浩文專欄】做爸爸後才發現兒歌頻道Cocomelon背後商機與吸金能力!

點解可以咁受歡迎?一個字,靚,製作靚,同時我Cocomelon一定已經搵到成功formula,才可長做長有。

佢哋平均每星期上兩條新片,會用大家熟悉的兒歌改編,每條片都用同一家人同佢身邊動物朋友做主角。內容正面,教吓細路要食菜,咁有教育意義,細路係咪鍾意一回事,但肯定做阿媽一定鍾意。

【葉浩文專欄】做爸爸後才發現兒歌頻道Cocomelon背後商機與吸金能力!

如此多人睇的網上平台,究竟背後有咩人?原來老闆同製作人員身份都好神秘,Cocomelon由2006年成立至今,唔少傳媒明查暗訪,都只係搵得好少料,最近Bloomberg先寫到,原來背後有一間大約20人的製作公司Treasure Studio Inc.,公司從未受訪,外界所知甚少。

【葉浩文專欄】做爸爸後才發現兒歌頻道Cocomelon背後商機與吸金能力!

依家呢個年代,有流量就有錢,吸金能力不容置疑,華爾街日報估計,2019年收入超過1億2,000萬美元。但又點會止步於一個Youtube Channel咁簡單,Cocomelon已經被MoonBug收購,甚至打算買埋IP,利用入面角色人物,出唔同周邊公仔、出電影等等。話說我個仔,同主角JJ有幾分相似,聽到佢出玩具,我已經諗定一定買。你話佢係咪好成功呢?

Loading...
YOU MAY LIKE
訂閱Esquire接收最新男士資訊及禮遇
Sign up FOR ESQUIRE_PAPER NOW!!
下篇文章