【葉浩文專欄】國產奶粉你未必用，但國產奶粉的投資價值就不可忽視
其實大陸嘅奶粉問題一直都為人所詬病，印象當然係因為2008年出現嘅三聚氰胺事件，國產奶粉就陷入信任危機。即使係咁，近年具有中國背景嘅奶粉品牌反而就持續增長，同大家想像嘅十分唔同。因為要知道中國整體奶粉市場大概有2000億左右，係一個龐大嘅基數。
係講解國產奶粉崛起之前，首先要同大家講一個大陸政策，係2016年開始實施嘅「嬰幼兒奶粉配方註冊制」，先不論呢個政策好與壞，但佢導致嘅直接結果，就係淘汰左好多中小品牌，當然低線城市嘅雜牌奶粉都要退出市場，導致國產相對有質量嘅大品牌能夠逐漸提高市場持份，而目前中國奶粉市場最大嘅品牌就已經係國產品牌，2016年年底，國產品牌市場持份亦從25%提升34%。
而支撐住大陸奶粉市場嘅，其實都係來自三線以下以及鄉鎮，即使係高定價嘅奶粉，但為了兒女亦依舊願意購買，依舊有十分強嘅消費力。
除此之外，我認為經歷過信任危機的國產奶粉品牌會更加珍惜自己的品牌，對食品安全更加重視。由於奶粉本身的差異化較小，不同廠商之間的競爭主要在管道和品牌的塑造上。國產奶粉除左透過廣告，更多係依靠線下推廣，以及客戶嘅口碑傳播，重新建立信任，才可令到國產奶粉可以慢慢崛起。
會唔會購買國產奶粉各位心中自然心中有數，但我今日想同大家分享嘅，反而係從投資角度出發，中國人口基數龐大，任何產業都會有好大嘅市場，從客觀數據同事實黎睇，的確有好大嘅發展潛力。除此之外，都證明投資好多時候都會比情感影響，但當我地仔細觀察數據嘅時候，反而又唔係個回事，當我地脫離情感嘅考量，你又會唔會嘗試投資呢個產業，把握到其中嘅投資機會呢？
Tags:
YOU MAY LIKE
Esquire_Paper
Esquire Magazine
以優惠價訂閱一年雜誌，可獲贈精選訂閱禮品。
Subscribe
