【葉浩文專欄】2021投資策略點部署?入手基金之前你必須留意的事情

Esquire HK - Kirk Yip
  • 17 Dec 2020

2021年好快到,估計投資環境仍然會好波動,每次同朋友客戶傾計,話題都必定扯到來年投資理財點部署。其實任何時候,我都會提醒身邊人,如果唔熟投資,就唔好隨便入市,特別係股票市場,如自問冇足夠時間、心思去研究,同緊貼住市況,就唔好人云亦云,人入自己又入,最好交俾專業人士去做,即係基金經理。

新的一年,建議想入市的朋友,試用基金做投資,包括股票基金、債券基金、多

新的一年,建議想入市的朋友,試用基金做投資,包括股票基金、債券基金、多元資產基金。不過我發覺每次提到基金兩個字,好多人第一反應是耍手擰頭,有人唔明,亦有人覺得基金唔透明、風險高、收費貴,亦有班朋友話,就算相信買基金好過自己亂咁買,亦唔知道點揀,因為市場上眾多選擇,點知邊隻回報好,點揀到適合自己的產品。

首先,好多人覺得基金唔透明,其實是誤解,一般大家在銀行同保險公司買

首先,好多人覺得基金唔透明,其實是誤解,一般大家在銀行同保險公司買得到的基金,都係已經通過證監會註冊的基金,法律上需要定期披露基金的特定資料,包括每月持股成分、淨值、投資策略、表現等等。而上述資料,是會通過基金月報向投資者及公眾披露,睇住呢份月報,大家已經可以有足夠資料,分析呢隻基金值唔值得買。

月報入面,第一樣大家要留意的地方,係睇吓基金有冇得到認可機構嘅評

月報入面,第一樣大家要留意的地方,係睇吓基金有冇得到認可機構嘅評級,例如晨星(Morningstar)評級,五粒星代表最高,評級以過往表現作為標準,反映佢係基金領域入面同其他同類別基金表現比較,前10%先可以得到五星。而基金至少需要成立三年以上,先可以得到任何評級。有評級的基金唔代表一定好,但至少會係有往績可尋。

另外一樣重要資訊,就係基金名稱。聽落好基本,但原來唔少人都會忽略,原

另外一樣重要資訊,就係基金名稱。聽落好基本,但原來唔少人都會忽略,原因好簡單,炒股票鍾意聽Number、聽消息,朋友A、客戶經理B叫買就買,連投資左乜都唔知,其實係一件好危險的事。因為基金名稱會反映出基金最基本的資料,例如基金管理公司名稱,投資方向及策略等,例如投資「環球」、「中國」、「科技」等,都係果句,你洗錢買錶買鞋買袋,都會睇牌子睇質地,咁點解做投資又咁求其?

月報上有更多細節,例如推出日期、資產淨值、管理規模等,透過這些資料,去

月報上有更多細節,例如推出日期、資產淨值、管理規模等,透過這些資料,去作初步衡量呢隻基金的實力。我個人一般只會考慮基金規模超過5億美元,以及有5年以上營運時間的基金作為目標。

大家最想知的基金表現,月報中都有得睇;一般用圖表方式,通過對比指數作比較,等投資者知道基金表現同相關市場的分別。因為投資者買基金需要比管理費,都係希望賺到比市場更好嘅回報。除咗圖表之外,亦有幾個同基金表現相關嘅數值建議大家多多留意。例如阿爾法值,就係反映以參考指數作為對比,呢個基金可以帶來幾多超額回報。夏普比率,就係衝量風險同回報的指標,數值越高越好。

我明白大家投資基金,最擔心的係收費,其實收費都會係月報中清楚列明

我明白大家投資基金,最擔心的係收費,其實收費都會係月報中清楚列明,管理費每日分攤,每日嘅基金價格已經反映左一年嘅管理費。最後,月報係會顯示基金主要持倉情況,包括國家同行業分佈,以及十大持倉股份,透明度係非常之高。但要記住,基金每日都運作緊,所睇到的資訊係當月最後一個交易日收市後嘅情況,唔係反應未來嘅預測。

至於月報可以係邊度搵到?係基金公司網站、銀行、保險公司等等分銷平台

至於月報可以係邊度搵到?係基金公司網站、銀行、保險公司等等分銷平台,都可以下載及查閱。

Loading...
YOU MAY LIKE
訂閱Esquire接收最新男士資訊及禮遇
Sign up FOR ESQUIRE_PAPER NOW!!
下篇文章