新手入門：攀石抱石有甚麼分別？16個室內攀石場、抱石場推介！

雖然兩款攀岩運動很相似，都係攀爬，按路線爬上去，但在裝備、場地、高度及肌肉的鍛鍊上兩者是完全不同的！

抱石可以在戶外大型的天然石進行，也可以在室內的人工抱石場進行。抱石是一項一個人都可以進行的活動，在抱石場攀爬約4米左右的石牆，牆下有軟墊，不需繩索輔助，也不需要保護員；只需換上攀石鞋，有需要就準備攀石鎂粉來保持雙手乾爽，一個人也可以隨時去玩的。

攀石的高度就比抱石高很多，一般也最少10米或以上，沒有上限。可以在天然攀岩路線進行，也可以在室內或室外的人工石牆上進行。但攀石必須綁上安全帶及使用防護器，裝備包括攀石繩索、安全帶、頭盔、攀石鞋、攀石鎂粉等而且必須兩人合作，一人攀爬石，另一人在牆下防護。而且在場地租用上，如政府場地則需要租用者持有「中國香港攀山及攀登總會」 簽發的運動攀登訓練證書二級或以上才能租用。

初學者總習慣用手拉自己爬上去，也很容易會曲手很多，這樣很消耗體力。其實腿力遠遠大於手力，每次上移最好儘量將身體靠向岩壁，手臂放鬆伸直，多利用腿部發力，謹記重心轉移，以三點為支點，減少過度用力，保持平衡用一點去移動。

攀爬會用到全身的肌肉，而且講求調和平衡，攀石需要耐力，而且也非常充滿挑戰性。要有效地運用全身的肌肉玩抱石，可以多在家進行啞鈴訓練，訓練身體肌肉。

抱石入場日票費用為$150至$300多，視乎場地，有些是看影片學習基本知識，然後再有入門班增進知識，也有一些是有導師講解基本安全及玩法，約$300多為1小時課程連日票收費。另外如未有攀石鞋的可以租鞋，費用約$30-$40左右。

至於攀石則由$400起，多為1小時課程連日票收費。

第一次去Mizu Climbing確實是驚喜，盡然係地舖！有陽光，位置方便，場館企理，路線選擇多，而且種種款式都有d。當然，門票相對就貴一點，日票為$288，因此非常建議在早鳥優惠時去，週一至週五4點前，特價$158，絕對划算好多，非常適合彈性上班人士。如果多朋友一起去，建議買share pass，分別為5張$1,140及10張$1,900等，分別為約每張$218及$190，非常推介！

Raccoon Bouldering就係我一位資深攀爬朋友所推介的，位於土瓜灣馬頭圍道。45分鐘新手試玩班$280/位，已經包括入場費及租鞋費，教導基本技巧，學完可以繼續自己練自己玩，適合第一次玩人士。正常日票$220 ，weekdays 3pm前為非繁忙時間，收費為$160，有效3個月嘅10次shared pass為$2,050。

(圖片來自Raccoon Bouldering)

位於牛頭角嘅BoulderMad一個非常新手friendly嘅場，人唔多，可以慢慢試，工作人員友善，可以請教他們，而且因為樓低比較矮，所以線比較短，新手比較容易掌握，而且門票划算，可以試試係咪鍾意玩。日票為$170，可以說是抱石場最划算的日票。

呢間Kizuna Climbing 絆，解作人與人之間的聯繫。Climbing gym嘅IG第一個post就係社長Mike導！位於將軍澳，日票$250，仲有個家庭票選擇可以一個大人帶一個小朋友$400，月票就$780。

(圖片來自Kizuna Climbing)

位於沙田嘅Camp Four日票為$198，月票為718（續票的話$658），買10次shared pass最划算，$1,778有10張，有效3個月，基本上同朋友一齊去幾次就用曬。

(圖片來自Camp Four Bouldering Gym)

Just Climb太古分店位置相當方便，此外還有石門、新蒲崗及屯門分店，全線共4間。$398的50分鐘新手教學加任玩日票；日票為$278，10張share pass為$2,380。

太古這間就以24/7來作賣點，不過要留意，一定要是年費的會員，而且需要兩位會員一同（安全理由）去才能在非營業時間去玩。

(圖片來自Just Climb IG）

呢間地點最方便港島人，就位於灣仔。不過就因為位於灣仔，所以面積都相對細d。日票$220，10張share pass $2,200加送一張。呢個場最特別嘅係有個斜路，好適合有經驗嘅人攀爬，唯一要留意嘅係，除非你反應好敏捷好識得跌時縮起手，如果唔係就建議著長袖衫去玩減低地毯滾動時可能引起嘅摩擦。

(圖片來自nbouldering)

尚山由大自然戶外攀石伸延到室內攀石！尚山岩館選址深水埗大南街。日票費用為$190，如需要專人指導的話費用$300（1小時）。這裡提供家庭套票（一個成人加一個8歲或以上兒童）$350，費用已經包括租鞋費。

（圖片來自尚山岩館）

Project Climb and Boulder，路線非常好玩，而且如果有留意，Project的IG也非常有趣，他們經常聯合其他抱石場做一些別緻的遊戲，不妨留意一下。

這裡程度並不是以一般的V1-5+分類，而是以顏色膠帶來分，所以玩之前先看看膠帶顏色。day pass為$220，月費為$760、續月費為$700，環境及氣氛都非常怡人，不過就比較容易人多，因此要去的話最好識搵個舒適時間去。

Campus Climbing位於佐敦，這裡提供新手優惠$150，已包日票及租鞋錢；一般日票$180，租鞋$20，租粉袋$10；週一至週五早上10點至下午2點有early bird時間，票價 $110。週一至週日營業時間早上10點至午夜12點，開放時間相對長，絕對是這裡的優點。

(圖片來自Campus Climbing)

呢間climbing gym最吸引我的地方就係陽光，位於太子，地點好方便；但都因為位置就腳，都會多人。日票$250，租鞋$30。呢度嘅難度分為v0-10，絕對適合新手甚至高手都可以搵到好玩嘅線。

(圖片來自Crux Boulder Gym)

位於美孚附近的The Player Climbing Gym抱石場，對港島區的人來說可能唔就腳，但就非常適合住新界的人士前往，交通非常方便。成人Day pass價錢為$288，$40租鞋錢；但這裡不定期有很多優惠，建議約朋友去玩前，不妨瀏覽佢地嘅IG了解最新優惠詳情。閒日14:00-19:00、weekend及公眾假期10:00-14:00更有chill pass為$158。場內分由小朋友區域、一般攀爬區域及訓練區，此外還有coffee conrer，講真其實幾chill。

(圖片來自The Player Climbing Gym)

位於沙田的Hong Kong Climbing Park備有抱石及攀石設施，2小時體驗票為$218-258，日票為$218-288，而月票為$998-1198等，以及55分鐘高牆（攀石）入門課程每位$398（必須二人同行）及55分鐘抱石入門課程入門課程每位$398（必須二人同行），甚至還有其他課程如一至三級運動攀登證書課程及一級攀岩證書等。

（圖片來自Hong Kong Climbing Park IG)

這裡有45分鐘抱石體驗班$248，已經包括租鞋、日票及會籍。而一般日票$198，月票$698，有效4個月嘅10次share pass$1800。如果希望定期學習攀爬技巧的話，技巧訓練班為月費會員再收$800/4堂，其他會員則$1000/4堂。

(圖片來自Vita Beta Climbing Gym)

位於葵涌，day pass是$218；還有night pass $148，適用於週一至週六晚上8點到11點，是個不錯的選擇。

(圖片來自Urban Stone Climbing)

優點係地點在上環，非常方便港島人士；不過，也因為在港島區鬧市，也難免面積會細點，日票為$180。這是個氣氛輕鬆，但線都好好玩嘅場。如果將來目標想出山玩，呢度都會適合你去練習及認識可以帶你出山的人。

(圖片來自Keep Climbing)