【讓跑步成為習慣】想開始挑戰半馬甚至全馬，應該怎樣開始？

『每個挫折也是一個試煉，有時失去之後，才會發現真正擁有的美麗，最重要是不讓自己沈溺於苦痛之中。』《溫暖人間 Dec 2009》

跑步有很多學問，但好多時都是心態決定一切，做不到個人最佳時間（PB) 有時都係一個祝福，因為呢個係好機會俾自己檢討不足之處，我們經常都會覺得自己已經盡咗力，但其實我們更加應該問自己究竟有甚麼地方可以做得更好？

1. PB唔到的話，唔開心係可以的，因為一直以來的努力付諸流水，梗係要俾時間發洩一下情緒，如果無唔開心你就要問下自己究竟有幾認真！但更重要的，是俾個期限自己唔好俾自己再繼續沉淪。

2. 如果你不幸受傷，無論係訓練過度，還是比賽強度太高，在重新投入訓練之前，一定要先處理好，唔好覺得傷患會自己好，或者練得再強啲就會無事，咁做好大機會將來成為阻礙你進步的一個絆腳石。

3. 花 30-60 分鐘，分析下自己的訓練，究竟係唔夠里數，強度不足，定係飲食休息的問題？如果自己唔清楚，搵個有相關知識的朋友或教練幫手，搵出失敗原因。

4. 定出未來3個月的訓練分針 (太短未能見到效果，太長遠會失去興趣)，訂立Realistic Goals (真實目標) 並每星期檢討；安排Re-test量化訓練成效，再訂未來3個月的訓練。

如果你係一個未跑過比賽，但你好想挑戰半馬 (21 公里)！

1. 首先佩服你咁大膽一嚟就跑半馬，有咁嘅自信已經成功了一半！在開始任何訓練前，強烈建議大家要攪清楚想參加的原因？可以係好簡單想體驗下長跑，但缺乏動機容易放棄或會後悔。

2. 半年持續半馬訓練比起臨急抱佛腳來得更見成效，一來身體可以逐步適應，減低受傷的風險；二來可以利用呢個機會培養運動習慣同堅毅精神，當你每次衝過終點時都可以驕傲高舉雙手，擺出『 I earned it! 』的姿勢。

3. 股神畢菲特講過
“Never test the depth of river with both the feet”，呢句說話都可以應用在跑步上，我地應該先搵個 10 公里賽試下腳，找出訓練、裝備、飲食上需要作改良的地方。

跑步不宜操之過急，與其跟別人競技，不如跟昨日的自己較量。