澳牛因新冠肺炎(COVID-19)疫情停業三星期丨澳牛才是最鐵漢柔情的香港人

Esquire HK - Polo Ng
  • 23 Mar 2020

如果說到香港其中一間最有特色的餐廳,不管是香港人或是外國遊客都會到,我一定會選澳洲牛奶公司,十年如一日的炒蛋多士,最後再來一杯茶走或者凍奶茶,多麼的香港,或是「受氣」才是澳牛的主菜?

澳牛因武漢肺炎疫情停業三星期丨澳牛才是最鐵漢柔情的香港人

今日有市民去到澳牛,就見到他們張貼一張告示指,因為疫情嚴峻,澳牛決定由3月26號到4月16日休市三星期。的確,人無事才可以做到世界冠軍,而且入面伙記一係戴Rolex Daytona,一係就戴Rolex Submariner,三個星期一定頂得住的。

澳牛因武漢肺炎疫情停業三星期丨澳牛才是最鐵漢柔情的香港人

說到澳牛,怎能不提他們的光速點餐呢?早上供應早餐,有牛油方包、煎蛋/炒蛋、火腿通粉/意粉;中午之後有茶餐牛油方包、煎蛋/炒蛋、叉燒通粉/意粉,仲有全日供應的快餐。「未諗好唔好叫人」、「下次諗好先好叫人」,的確來來去去得兩個餐,到底有甚麼要想這麼久。

澳牛因武漢肺炎疫情停業三星期丨澳牛才是最鐵漢柔情的香港人

曾經《食神》講過:「張檯有咁窄得咁窄,張凳有咁迫得咁迫」,而去到澳牛就正正如此,但這卻是他們的特色,大家入到去好像有默契般,會移張櫈少少,縮起個膊頭,逼逼哋咁食,又是另一種風味。有次好夜去食,間鋪冇乜人,侍應哥哥俾張櫈我放袋,我以為那天是我生日。

澳牛因武漢肺炎疫情停業三星期丨澳牛才是最鐵漢柔情的香港人

還是,一定要記得「咖啡或茶」不要一齊嗌,因為只會換來一句「張檯唔夠位擺」,吃到七七八八,侍應哥哥就會走過來問你飲咩?那時候,未飽就仲可以叫埋雙皮奶或者燉蛋。

澳牛因武漢肺炎疫情停業三星期丨澳牛才是最鐵漢柔情的香港人

雖然好似有點被虐狂,但可算是香港人與澳牛侍應哥哥無形之間的默契,但其實他們也有一種鐵漢柔情。「你,係咪大肚?過嚟,大肚婆唔洗排隊」,他們用粗魯的語氣,展現無限的溫柔;更加有台灣女孩來到澳牛,足足坐澳牛一小時畫一幅畫,都沒有被趕走。

Loading...
YOU MAY LIKE
訂閱Esquire接收最新男士生活資訊
Sign up FOR ESQUIRE_PAPER NOW!!
下篇文章