意式卡邦尼即食麵是美食或是魔鬼料理？即食麵專門店筷趣一町進駐旺角朗豪坊
到底大家對即食麵有甚麼要求？煲水、煮麵、落粉，用個煲食咁簡單？雖然即食麵的出現是為了方便，但它需要不少技巧，以及有着千百種的煮法，正正有間店筷趣一町以即食麵為主打，更加去到了朗豪坊開店！
筷趣一町以即食麵做主題，加入日式及西式元素，總廚Stanley Tang曾於米芝蓮推介餐廳 Le Dôme de Cristal 香檳餐廳擔任行政總廚，可以將即食麵成為一種上得大枱的食材。
其中一個著名菜式意式卡邦尼即食麵配溫泉蛋，以煙肉、芝士、蛋黃做成的醬汁香濃幼滑，最難得的是連公仔麵都可以被蛋汁包裹，而且總廚更加有信心說可以做到意粉中al dente的口味。
而另外一個值得期待的是，一碗公仔麵可以賣$278，因為他加上波士頓龍蝦，而湯底則可以原味調味料包、龍蝦、日本咖喱，三個選擇，真的是豪華地食公仔麵！
筷趣一町特設車仔麵概念的「自選一町」，可讓客人自行選擇不同配料、麵條及湯底，有酥炸廣島生蠔、酥炸軟殼蟹等比較少見的配料。
但如果想嚐經典的即食麵可以一試沙嗲牛肉，是以牛冧肉配秘製沙嗲醬製成，更帶有粒粒花生香氣，濃稠惹味。
Topic:
YOU MAY LIKE
Esquire_Paper
Esquire Magazine
以優惠價訂閱一年雜誌，可獲贈精選訂閱禮品。
Subscribe
