酒店房你知道唔知道的(神秘)事

Esquire HK - Karen Tsang
  • 4 Aug 2017

又係呢句開場白,成日住酒店,好多frequent traveler如我們編輯部各人都有一定的同呢個世界的能量有關的習慣,以下哪些跟你們的習慣及做法相似呢?


1. 會不會在預定酒店時已經將心儀的酒店逐間google看看有無前科?


Karen:會㗎,除了看看有沒有發生過甚麼事或有無前人分享過甚麼經驗再決定。不過更重要係看清楚房間的圖片,看看酒店房是否新淨及光猛,感覺是否舒服。

潘紹聰:上網看通常都好準,看清楚係咪有甚麼傳聞出現過,有就避免啦。另外,避免去太舊的酒店也有幫助,此外也可以多留意新酒店、hip hotel甚至小型酒店也不錯,這樣的話也相對減低了遇上狀況的機會。再留意一點,有時候太晚check in的話,酒店會主動upgrade,而這些相對比較大的房間很大機會是尾房或是比較少人入住人氣相對少的房間,這個大家也留意一下。


2. 搭飛機希望被upgrade, 住酒店被upgrade又怎樣呢?


Connor:正呀!我會接受呀!

潘紹聰:再留意一點,有時候太晚check in的話,酒店會主動upgrade,而這些相對比較大的房間很大機會是尾房或是比較少人入住人氣相對少的房間,這個大家也留意一下。


3. 入房是否要敲門?


Stephanie:我覺得都要的,但就經常因為忘記了,一般都係坐下來的一刻才發現自己忘了。

潘紹聰:敲門就一定要的了。但最好就敲門後,個人移開一點點,留個足夠空間比條路出來走。


4. 有人話房間有怪味就有可疑,你如果入到一間有怪氣味的房間會點算?


Desmond:開窗開櫃門吹吹,散散氣味。

潘紹聰:房間有無怪氣味都係一個要留意的地方,如果有怪氣味,或者代表房間很久沒有使用,少人使用就代表人氣少,咁都要留心吓。


5. 雖然唔係間間酒店房都有聖經,但如果入住的酒店房有聖經咁點算?


Paddy:我會有點驚。

潘紹聰:其實唔駛咁快驚住,看清楚本聖經係打開定合上先。合上,可以放心;打開的話,就可能麻煩一點咁。


6. 如果一個人入住有兩張床的房間,你會係整亂兩張床的定只用一張床而留一張床整齊的人。


Park:我會睡一張床,將衣服房兩一張床,總之就佔用兩張床啦。

潘紹聰:如果入房是兩張床,就最好只用一張床啦,留一張給空出來待使用比較友善。

Karen:好喇,我知道來到呢一個位,你地(尤其係我的同事)會話「好似未講床邊拖鞋點放好喔」。呢一個問題,我問了一個比較敏感的人,佢的答案係「其實都唔係自己的地頭,都已經係同一個空間入面了,床邊拖鞋點放其實已經沒有大影響了」,所以都係一句信不信由你,覺得安心又唔侵略性的咪隨自己喜歡點放囉。

Loading...
YOU MAY LIKE
訂閱Esquire接收最新男士生活資訊
Sign up FOR ESQUIRE_PAPER NOW!!
下篇文章