【葉浩文專欄】又到了轉工搵工季節,有甚麼事情必須留意?

Esquire HK - Kirk Yip
  • 27 Nov 2018

踏入十二月,就是轉工搵工的季節開始,大家都開始密謀尋找新職位,而無論轉工經驗多與少,有沒有一些事情是你原來沒有留意的呢?

十二月除咗係旅遊放假旺季之外,其實亦係唔少打工仔密謀轉工的黃金

十二月除咗係旅遊放假旺季之外,其實亦係唔少打工仔密謀轉工的黃金季節。 好似早幾日約咗班舊同事happy hour,佢做intern的時候已經認識,到今日已經升咗做 research department 的senior analyst阿軒, 拉咗埋我去一邊同我講,原來佢又開始搵工,諗住攞完花紅就遞辭職信。畢業到而家,阿軒都未轉過工,所以佢問我轉工第一件事,究竟要注意乜嘢?

講到轉新工,第一件事其實喺面試的時候已經要清楚知道 「究竟你未來的

講到轉新工,第一件事其實喺面試的時候已經要清楚知道 「究竟你未來的新工,係呢間公司的新空缺定係代替離職的員工呢?」因為呢兩個係完全唔同的狀況,會好影響你新工作的部署同處事態度。

先講新空缺,好可能代表呢間公司開展新業務,公司亦處於蒸蒸日上的好

先講新空缺,好可能代表呢間公司開展新業務,公司亦處於蒸蒸日上的好景當中,老闆期望一定唔低,呢個時候你要做的事,就係適當地將老闆拉返落地,不然佢提出的要求,你都根本冇辦法完成,相信轉新工唔洗幾耐,你就要再請多次散水餅。當然,做新業務更要大膽創新,又不離實際,相信搵得你做開荒牛,你都應該有返兩道散手,可以盡量運用自己的能力大展一下拳腳。

至於係代替離職員工,可能入到公司要好好打探,究竟呢位員工,係因為個

至於係代替離職員工,可能入到公司要好好打探,究竟呢位員工,係因為個人原因離職定係公司決定呢?會唔會係因為係三煞位而兩面不討好呢?又或者有致命地雷,踩中就死無全屍呢?呢個時候就要打醒十二分精神,因為好影響你能唔能夠長做長有。

老實講,阿軒呢個後生仔平時都好識做人,待人處世都有自己一套,但我同

老實講,阿軒呢個後生仔平時都好識做人,待人處世都有自己一套,但我同佢講,面對新環境都有兩個最基本的原則一定要遵守。當面對團隊入面做得最耐的同事,不論佢職位高低,點都比幾分薄面不要抗衡,因為做得耐,可能反映幾件事:一係佢能力非凡,一係佢係皇親國戚,無論點都唔應該得罪,同埋最重要一點:佢好有可能係你新入職攞料最關鍵的人物,幫你極速融入新圈子的橋樑。

轉工好多時伴隨著升職,阿軒亦已經係小team的管理層,我同佢講,係仲未熟

轉工好多時伴隨著升職,阿軒亦已經係小team的管理層,我同佢講,係仲未熟悉環境的時候,都唔應該輕舉妄動,一下子插旗搞大改革,等你融入之後再郁手都未遲。呢個時候儘量立威但又不應太有距離,噓寒問暖兩句,問下佢地感受,當然佢哋會話冇問題,但都係一種姿態,等佢哋都儘量放低戒心。記住一句說話,「雞脾打人牙骹軟」,面對秘書又或者低層,請食下午茶、送手信,助你辦公暢通無阻。

最後,我同阿軒講,入職當務必要九秒九盡快同新老闆好好溝通,等你更清

最後,我同阿軒講,入職當務必要九秒九盡快同新老闆好好溝通,等你更清晰了解自己究竟要做咩,好似打機咁,你要攞夠一百個金幣先可以過版,你就唔好做多餘的事,否則你未必能夠做得長久。當然老細未必會清晰提點你,但點都問到一個框架,在框架內好好發揮,相信都會有不錯的表現。

我拍一拍佢膊頭, 叫佢埋咗happy hour張單,相信佢轉新工都唔會有大問題了。

Loading...
YOU MAY LIKE
訂閱Esquire接收最新男士資訊及禮遇
Sign up FOR ESQUIRE_PAPER NOW!!
下篇文章