【葉浩文專欄】老Seafood的啟示

Esquire HK - Kirk Yip
  • 9 Nov 2018

一樣米養百樣人,辦公室中的老Seafood也有千百種。到我這種年紀,也少不免成為別人眼中的老Seafood。當然也有廣義同狹義嘅分別,前者當然係泛指年紀大嘅前輩,後者可能只要加上一個令人討厭特質,就足以成立。

人生在世,當然冇辦法避免被人討厭,甚至冤冤相報何時了。跟舊同學聚會

人生在世,當然冇辦法避免被人討厭,甚至冤冤相報何時了。跟舊同學聚會一講到工作,講到遇到的下一代時,就一齊投訴公司下屬,或者年輕的同事,能力不夠,看不順眼,一蟹不如一蟹。但其實可能年輕一輩聚在一起,也討論哪個老Seafood更令人討厭。當互相討厭,自然冇辦法溝通。

平心而論,一間公司幾十人,又點會個個都係精英。細細個讀書時,一班有幾

平心而論,一間公司幾十人,又點會個個都係精英。細細個讀書時,一班有幾十人,又有幾多個真係讀書叻,考唔到前十名先生已經話佢唔掂冇前途。咁計法,一個Department出現兩三個做嘢冇問題,話頭醒尾嘅同事已屬難得,所以諗深一層,話後生唔掂,會唔會對後生仔太苛刻呢?畢竟每個年代都有好有壞,你遇到壞的,未必係冇勤力聰明嘅後生仔。

又點解我哋經常話細嘅唔掂,其實由細到大,可能呢種思維都冇變。你五年

又點解我哋經常話細嘅唔掂,其實由細到大,可能呢種思維都冇變。你五年級時候梗係覺得三四年班嘅同學差。到今時今日幾十歲,你阿爸阿媽,甚至阿爺阿嫲可能仍然有好多嘢話唔好。或者這是人的天性,年紀大嘅當然鍾意將自己意見話俾後生聽。雖然係出於好意,將自己嘅經歷分享;但會唔會係唔想咁快畀新一代淘汰呢?

當然也有精英級老SEAFOOD與後生仔,之前聽過幾個創作界嘅朋友討論,佢哋對

當然也有精英級老SEAFOOD與後生仔,之前聽過幾個創作界嘅朋友討論,佢哋對後生仔有種恐懼,有一句說話係:「長江後浪推前浪,前浪死在沙灘上」。對後生仔嘅創作力有危機意識,怕自己做得唔好,就被人淘汰。當然有人會話,呢個時候老SEAFOOD就可以用自己係行業入面嘅力量,打壓對自己有威脅嘅後輩。佢哋反而話,創作圈太細,提攜後輩令圈子更健康,對大家都有好處。

佢啟發我,比起做一個令人討厭嘅老Seafood,更應該做一個提攜後輩嘅前輩。有

佢啟發我,比起做一個令人討厭嘅老Seafood,更應該做一個提攜後輩嘅前輩。有時不得不認老,後生一定有好過我地嘅地方,功利一點諗,你提攜佢,佢亦會敬你三分,畢竟尊敬唔係因為年紀,而係個人行為所組成。

即使唔講「提攜」,下次喺再投訴後生有咩唔掂嘅時候,其實我哋都應該反醒

即使唔講「提攜」,下次喺再投訴後生有咩唔掂嘅時候,其實我哋都應該反醒一下:自己係咪真係做得好、係咪有足夠理據去話人,又會唔會一個唔小心,成為後生仔眼中的「老Seafood」?

Loading...
YOU MAY LIKE
訂閱Esquire接收最新男士資訊及禮遇
Sign up FOR ESQUIRE_PAPER NOW!!
下篇文章