中佬的浪漫系列：去冰室食蛋撻

為何你的中佬浪漫在冰室？
又浪漫又麻甩嘅地方，一定係冰室。唔係茶餐廳，係冰室！茶餐廳字面上就你食嘢同飲茶咁，叫冰室先有種懶懶閒同曖昧嘅感覺。加上而家冇人用呢個term，少人用自然夠扮嘢。
我幾歲果陣名爺成日帶我去食tea，除咗佢收工帶我去「抖涼」（即係食完飯去散步，佢鐘鍾意叫抖涼），就係去冰室chill out。印象中成間冰室都係男人。唔個點解好細個就有個印象，覺得成班麻甩平時好辛苦搵食，所以果種chill硬係有啲滄桑咁。即係明明好攰又話唔辛苦咁，又係另一種扮嘢。
仲有就係那種土炮扮西餐嘅精神：係呀料就係得咁多，暴龍、黑牛、紅豆冰、菠蘿冰，果種平民嘅豪華感，夠晒dramatic。
最喜歡的食物是？
酥皮蛋撻！簡直香港代表！都唔知邊個諗到將「蛋」同個「撻」擺埋一齊，加埋一齊混然天成，口感豐富，牛油同蛋香互相交替，那種熱辣辣嘅幸福，三啖食晒。就在滿足與心思思食多件之間，讓人回味無窮。

中佬的浪漫