巴黎旅行必去7個威士忌勝地|威士忌迷必去的巴黎威士忌酒吧、酒舖、酒展

Esquire HK - Tony Leung
  • 17 Aug 2020

講到法國當然好多人會諗到紅酒、香檳、以至係干邑,但原來當地人都幾鐘意飲 威士忌 ,不單止係蘇格蘭威士忌喺歐洲最大嘅出口市場,甚至乎人均每年威士忌消耗量長期係名列全球榜首、去到大約每年平均飲到3支以上!今次帶大家去到首都巴黎,參觀下啲威士忌勝地。

La Maison du Whisky:當博物館行的酒舖

La Maison du Whisky:當博物館行的酒舖

第一個係成立左已經六十幾年嘅酒商Lmdw,個名直譯就係威士忌嘅小屋,除左巴黎有兩間鋪之外,甚至遠在印度洋Saint Dennis島以及新加坡都有分店,更加唔好講佢地接通全球嘅網店,以及旗下風運甚佳嘅幾個獨立裝瓶品牌,絕對係威士忌業內首屈一指嘅鉅頭。而佢哋位於第8區近Anjou嘅總店,擺放左超過1300款唔同嘅威士忌,而其他精品原酒嘅選擇亦都算係非常豐富真係就算唔黎買嘢,當博物館參觀一下都嘆為觀止。

Golden Promise:威士忌愛好者必到Checkpoint

Golden Promise:威士忌愛好者必到Checkpoint

由LMDW(La Maison du Whisky)喺2017建立嘅酒吧分支,位於第2區近Étienne Marcel站,主要分為兩個部分,近入口嘅位置係提供Whisky based cocktail嘅一間speakeasy,但當另外同啲staff講你係為威士忌而黎,先至發覺別有洞天!穿過酒櫃之間一度好隱閉嘅大門,你會去到一個類似防空洞嘅拱型地窖,而依度一共有超過一千款威士忌,當中仲要有好大量係珍稀級別嘅高年份作品以及舊作,連日本威士忌都多到另外有一間房去展示,絕對係威士忌愛好者喺歐洲必到嘅checkpoint。除此之外,地面一層同時有佢地新開日本餐廳+酒吧La maison du Sake。

WhiskyLive我相信大家都曾經聽過,由Whisky Magazine主辦嘅依個活動喺唔同地方包括香港

WhiskyLive Paris:不可不去的威士忌展覽

WhiskyLive我相信大家都曾經聽過,由Whisky Magazine主辦嘅依個活動喺唔同地方包括香港都有舉行,但由LMDW協辦嘅巴黎版,規模就真係數一數二地大。來自世界各地近200個參展單位為大家帶黎超過1000款烈酒,無論係剛入門想探索下唔同品牌嘅新手,或者對威士忌有相當了解嘅資深飲家,都只會係發覺多野到試唔曬;如果你係買VIP門票的話,甚至連主辦單位以及幾大知名Bottler嘅新作都全部曬冷、不計成本任得你飲,可惜今年2020同樣因為疫情關系被迫取消,但真係非常值得bookmark嘅一個歐洲酒展。

Harry's New York Bar

Harry's New York Bar:珍罕威士忌都有得嘆的酒吧

位於第1區近巴黎歌劇院,1911年建立嘅佢係法國當地甚至乎全歐洲最耐歷史嘅Cocktail Bar、甚至包括Bloody Mary在內嘅幾款經典調酒都係佢哋所發明!相當古色古香嘅舊酒吧格局,雖然威士忌並唔係依度主打,數數埋埋可能只有一百幾款,但酒吧一旦開得夠耐,收藏好多時都會意外地驚人…喺依度60到80年代出品嘅舊酒標作品會比現行版本更為常見,你甚至可以喺度單杯飲到1938年蒸餾、現時酒評網站Whiskyfun最高分嘅一支Macallan,仲有江湖傳聞話好多人想店主出讓依支貴酒但佢堅持要留喺酒吧開。

Patrick's Green Balloon

Patrick's Green Balloon:愛爾蘭威士忌收藏全球第二多?

11區Faidherbe - Chaligny站附近嘅依間Irish Pub,驟眼睇起黎就一啲都唔起眼,我都係聽當地人介紹先知道,但如果你鐘意Irish Whiskey的話,就絕對唔可以錯過。由一位居於巴黎嘅愛爾蘭人經營,雖然酒吧客人都係點其他野飲多,但店主自己好鍾意飲,所以店內嘅一個小區域就有住近400款愛爾蘭威士忌,佢甚至仲好自豪咁同我講依度嘅收藏排得上全球第二多(第一係位於愛爾蘭嘅Celtic Whisky Bar),如果大家有機會來的話,會建議大家試下啲舊嘅Bushmills同Midleton單桶,而威士忌以外愛爾蘭單酒嘅選擇都相當豐富。

La Zygothèque:小餐館都有驚喜!

La Zygothèque:小餐館都有驚喜!

同另外幾間唔太一樣,依個位於13區Bibliothèque François Mitterrand站旁邊嘅並唔係酒鋪或者酒吧,而係一間食法國菜嘅小餐館。餐單以當地時令食材為主,雖然選擇唔多但每道菜都處理得非常好,幾乎係我果一程食過最出色嘅一餐,價錢亦都係好合理;裝修可能比較簡約,但大廳幾面畿上嘅酒櫃同酒架就密密麻麻咁放滿近300支威士忌同其他烈酒,除左常規作品亦都唔少獨立裝瓶,雖然高年份可能唔太多但款式都算豐富,甚至講到法國當地嘅Wine、Brandy話者Rum、佢地亦都會有唔少較偏門嘅精選。

Ryst Dupeyron - Vintage and Co

Ryst Dupeyron-Vintage and Co:必到歷史悠久小店

最後係位於第6區近Rue du Bac站,一間歷史相當耐嘅小店。主打其實會係Dupeyron依個Armagnac品牌,基本上佢地近依70年Vintage都齊全、有錢的話連19世紀蒸餾作品都搵得到…甚至仲提供即場客制化酒標、可以印上特定字句又啱年份係好啱送禮。講返威士忌,雖然常規作品以外未算係太多,但佢地自己裝瓶嘅Captain′s Burn系列就有唔少價錢相宜嘅選擇、而且喺外面非常少會見得到,有少部分仲可以試飲,如果順路經過都不妨參觀一下。

當然除左上面提到依幾個值得留意嘅地點,喺威士忌文化咁發達嘅一個

當然除左上面提到依幾個值得留意嘅地點,喺威士忌文化咁發達嘅一個地方,即使係連鎖店如Nicolas、La Cave、The Whisky Shop、Vit Et Whisky、Julhes等等,都有時會比到大家意外驚喜。今次就講住咁多先,下一站…我地去London?

Loading...
YOU MAY LIKE
訂閱Esquire接收最新男士生活資訊
Sign up FOR ESQUIRE_PAPER NOW!!
下篇文章