終於入冬！男人要食煲仔飯、蛇羹、羊腩煲暖身補身

說煲仔飯是秋冬限定也不為過，因為坊間的餐廳茶記，多數是入冬才在舖頭門口搬出火爐炭爐製作煲仔飯。或許有小數餐館在其他日子亦提供煲仔飯，但香港夏天愈來愈長，愈來愈熱，夏天食煲仔飯肯定會滿頭大汗，不如食壽司刺身好過。所以煲仔飯是屬於秋冬的，合時節之餘，又可以自選不同配料，如肉餅、滑牛、田雞、黃鱔、臘腸、滑雞等。（個人很貪心，追加窩蛋解饞更是指定動作。熱辣辣的煲仔飯新鮮出爐，米飯除了散發肉香，「脆卜卜」的飯焦既香口又有口感，食完全身「暖笠笠」，外面幾大風都唔覺凍！

常言道：「秋風起，三蛇肥」，雖然蛇羹一年四季都有得食，但天氣凍的日子，總會特別令人想食蛇羹。首先蛇肉含豐富蛋白質及胺基酸，極富營養價值，從中醫角度蛇羹亦可行氣活血， 不但可以驅寒暖肚，更有壯陽功效，令男人更「硬」淨！再配上一碗熱辣辣的糯火米飯，就是男人的浪漫。

基本上，打邊爐已是港人一年四季跟朋友的聚餐節目。到冬天，另一禦寒法寶不得不提羊腩煲！一大班男人圍埋一齊食支竹羊腩煲，絕對暖身又暖心！從營養學角度看，羊肉含豐富蛋白質；中醫書籍更有云，羊肉自古以來已是冬天暖胃驅寒的補品，有補益氣血、補腎及壯陽的功用，對男人尤其有益！不過羊肉確實有一股羶味，有人甘之若飴，有人「聞」而生畏。但其實，羊肉愈新鮮是愈沒有鮮味的。最後的溫馨提示，由於羊肉性質偏燥，最多每周食一兩次好喇。

（Photos from Getty Images）