【酒店外賣套餐2022】5間酒店美食外賣速遞優惠推介
- 8 Mar 2022
無堂食唔出得街但特別日子都係要慶祝嘅，Rosewood、香港文華東方酒店、香港JW萬豪酒店、Ritz Carlton、The Mira Hong Kong推出各式外賣速遞優質套餐選擇，日式壽喜燒、西式海鮮龍蝦、燒烤套餐、米芝蓮中菜、米芝蓮印度美食、星加坡美食，選擇眾多，套餐有大有細，同老婆/女朋友兩人慶祝又得，一家大細或三代同堂一齊慶祝又得，保證人人開心滿意。
香港瑰麗酒店
要預訂香港瑰麗酒店嘅美食好簡單，因為酒店的餐廳包括米芝蓮一星餐廳CHAAT、米芝蓮推介彤福軒及當代美式扒房HENRY都可以預訂到，其實呢個幾驚喜，因為平時呢幾間餐廳都難訂位，依家竟然可以好容易咁就通過Deliveroo就訂到，尖沙咀區可即日預訂送遞服務，而港島區主要地區則需於24小時前預訂。可選擇的分別有4-6人或6-10人的HENRY BBQ套餐，套餐包括牛柳、baby back ribs、烤雞及多種不同的烤蔬菜。
CHAAT的5-6人及8-9人套餐，烤羊架、奶油雞、咖喱魚、黑扁豆咖喱、椰菜花薯仔咖喱、naan及炒飯；彤福軒的3-4人套餐享用2款前菜如水晶柚皮、豬腳仔、背景填鴨及生菜鴨鬆、順德拆魚羹、菜及炒飯等。
香港JW萬豪酒店
呢個「海陸香烤滋味外賣拼盤」好豐富，烤肉選擇有澳洲草飼西冷牛扒、西班牙黑毛豬鞍架、澳洲羊排及慢煮美國雞胸；海鮮選擇則有烤大蝦、紐西蘭青口、香煎挪威三文魚柳等，此外配菜就有燒蒜蓉薯仔、香草焗日本南瓜、烤意式青瓜、燒車厘番茄和牛油玉米等烤蔬菜。呢個海陸大餐分類比較大，絕對適合一家大細一齊慶祝。「海陸香烤滋味外賣拼盤」(供六位用) HK$3,680，免費送遞，須兩日前預訂。
香港文華東方酒店
在家食中菜慶祝，私人偏愛，一定首選文華廳！文華廳中菜行政總廚黃永強師傅主理嘅，樣樣都好食！蜜味西班牙黑豚肉叉燒、鮮蟹肉花膠海鮮酸辣羹、西蘭花炒澳洲帶子、桂花蟹肉炒米粉，仲可以佳甜品遠年陳皮紅豆沙及蛋白杏仁茶湯丸，所有訂單滿HK$2,000就可享免費送貨香港島各區。如果唔需要送遞服務的話，文華廳外賣自取可享九折優惠。
餐單連結：https://bit.ly/3sUC3yZ
預訂電話：2825 4003
The Mira Hong Kong
相對以上介紹嘅酒店，The Mira Hong Kong可算是最彈性的，有些選擇套餐甚至分別提供2/4/6人餐選擇；而且選擇多，有泰x日滋味咖喱鴛鴦煲、壽喜燒、國金軒套餐、Yamm燒龍蝦餐及香草燒鷄套餐等，價錢由HK$688起。
香港麗思卡爾頓酒店
呢度嘅選擇就有3款：「香港原味道四人套餐」、「嚐味新加坡四人套餐」及「地道印度風情四人套餐」。
香港原味道套餐：由廚師梁國雄師傅主理，套餐有海蔘有花膠，更有原隻南非，仲有養顏竹笙雞茸燕窩羹或滋陰嘅菜膽冬菇燉螺頭。鍾意食中菜嘅，一定大滿足！
嚐味新加坡套餐：由新加坡籍林文龍師傅主理，套餐有肉骨茶、雜錦沙嗲串及必試的參峇醬烤魔鬼魚配酥炸洋蔥、番茄辣醬炒海鮮油麵及炒大蝦等，今日嘅天氣，好適合食新加坡菜。
地道印度風情套餐：由印籍廚師Nek Chand主理，套餐有黃豆泥湯、焗印度素菜咖喱角、有招牌印度奶油咖喱雞、菠菜忌廉芝士、印度鯛魚咖哩及咖哩雜菜，配上印度香料飯及薄餅，來一趟異國風情讓味蕾醒醒。
以上四人外賣套餐價錢為HK$1,688，全部配有熱湯、頭盤、主菜及甜品。
訂購連結： https://bit.ly/361maxn
