【葉浩文專欄】後疫症世界會變成點， 原來有隻Game早已預言咗
疫情之下，各國防疫政策逐漸增加，香港亦宣布開始限制四人以上集會，不單只人同人交往有所改變，大家好多生活習慣亦有所不同。原以為香港彈丸咁細，購物已經好方便，對網購嘅興致唔算太高，今次之後，越黎越多人被迫嘗試。以為學習一定要返學？做嘢一定要office？今年開始已經冇話唔可能。
我想起助手同我講玩過一隻Game，叫做《死亡擱淺》，入面嘅世界觀同疫症後嘅社會好相似，遊戲主軸是世界發生巨變，人與人缺乏聯繫，要靠遊戲主角，一個送貨員去連接世界，裡面嘅科技亦都貼近而家幾似，全息投影，靠網絡進行3D打印完成基建，幻想出來嘅遊戲世界，令我印象深刻。
而今次疫症，似乎更加速我地進入以前想像出來嘅未來世界，而呢個世界裡面，最大嘅贏家，就好似個遊戲嘅主角，正是物聯網公司，社會經濟命脈越來越依賴佢哋。
以此為前題，我會思考未來有邊類產業值得投資，網絡資源、網絡服務、物聯網都會係重中之重，當呢類產業發展到一定程度，係網絡開展事業、提供服務嘅門檻只會越黎越低，只要你諗到，冇你做唔到嘅事。我估計越嚟越多商業模式都會趨向網上發生，除網購生意外，教育、飲食、娛樂，甚至醫療都一樣會會在網上以另一方式呈現。
將來嘅日子，我地都知網絡世界越黎越重要，但可能我地冇諗過，最後網絡世界將會係我的生活嘅全部。 每個時代轉變，都係機會嘅來臨； 所謂有危先有機，葉太亦都係因為咁，近日建立了自己嘅網店。大家不妨去睇睇（小飛俠健康百貨），或者對你都有啟發。
Topic:
YOU MAY LIKE
Esquire_Paper
Esquire Magazine
以優惠價訂閱一年雜誌，可獲贈精選訂閱禮品。
Subscribe
